Tovuq ko'kragi - tez pishar mahsulotlardan biri bo'lib, vaqtingiz ziqligida sizni saqlab qoluvchi mahsulotdir. Shunday vaqtda taqdim etiladigan taom retsepti esa sizga ko'mak bo'lishi turgan gap. Bekajonlar e'tiboringizga nozik va juda ham mazali tayyorlanadigan tovuq ko'kragi retseptini taqdim etaman. Tovuq go'shtini sevuvchi, parez va yengil taomlarni iste'mol qiluvchi kishilar uchun aynan ushbu taom ma'qul bo'lishi aniq. Retseptni saqlab qolishni esa aslo untmang!
Kerakli masalliqlar:
- 1 dona tovuq ko'kragi (filesi)
- 1 dona tuxum
- limon sharbati
- o'simlik yog'i, tuz va murch
- panirovka uchun quritilgan non ushog'i
Tayyorlash usuli:
1. Tovuq ko'kragini yuving va quriting. Ikki qismga bo'ling.
2. Har bir go'sht bo'lagi orasidan cho'ntakcha kesib oling. Quyidagi rasm kabi.
3. Go'shtni limon sharbati bilan marinadlang.
4. Tuxumni venchik yordamida ko'pirtiring.
5. Go'sht bo'lagiga tuz seping, tuxumga bulang va non ushog'iga yumalating. Tovada qizdirilgan o'simlik yog'ida, qarsildoq, tilla tusga kirgunga qadar qovuring.
6. Pishirish qolipiga folga qog'ozini yozing. Qovurilgan go'sht bo'laklarini tering va 200 darajada qizdirilgan pechda 20 daqiqa davomida pishiring. Eng muhimi vaqtni o'tkazib yubormang! Aks holda go'sht quruq va kutilgan ta'mga ega bo'lmaydi. Taom tayyor!
Yoqimli ishtaxa!
