Zanjabil - samarali, yallig'lanishga qarshi, antiseptik va jarohatni davolovchi vositalarni o'zida mujassam etgan noyob mahsulotdir. Shuningdek, zanjabil immunitetni ko'taruvchi, tanadagi ortiqcha yog'larni erituvchi mahsulot hamdir. Shunday ekan bekajonlar darhol ushbu choyni tayyorlashga shoshiling. Retseptni saqlab qolishni unutmang.
Kerakli masalliqlar:
4-5 sm zanjabil tomiri (imbir)
1 dona limon
300-400 ml suv
1 choy qoshiq asal yoki shakar (ta'bga ko'ra)
Tayyorlash usuli:
1. Zanjabilning bir qismini issiq suvga soling. So'ng, tozalang va yupqa, parrak shaklida to'rg'ang.
2. Limonni ikki qismga bo'ling. Bir qismini parrak shaklda kesing. Agar limonning danaklari bo'lsa, ularni ajratib oling.
3. Choy tayyorlanadigan idishga zanjabilni soling, limonning ikkinchi qismi sharbatini zanjabil ustiga siqib chiqaring.
4. Limon sharbatiga cho'mgan zanjabilni qaynab turgan suv bilan yuzlashtiring. Idishning qopqog'ini yopib, 20 daqiqaga qoldiring. Ichimlikning lazzatini yanada kuchaytirish uchun idishni sochiq bilan o'rashingiz mumkin.
5. Ko'rsatilgan vaqt nihoyasiga yetgandan so'ng, ta'bga ko'ra asal yoki shakarni va limon bo'laklarini soling.
6. Mazali va foydali choy tayyor! Tayyorlangan choyni hohishingizga ko'ra issiq yoki sovuq holda ichishingiz mumkin.
Yoqimli ishtaxa!