Bekajonlar e'tiboringizga navbatdagi vitaminlarga boy bo'lgan, mazali salat retseptini taqdim etaman. Ajablanarli nomga ega bo'lgan ushbu salatning tayyorlanishi juda ham oddiy. Yorqin ko'rinishga ega bo'lgan ushbu salat har qanday dasturxondan o'zining o'rnini egallaydi. Retseptni saqlab qo'yishni aslo unutmang.
Kerakli masalliqlar:
- 200 gramm yashil no'xot konservasi
- 300 gramm yashil loviya
- 2 dona sabzi
- 200 gramm zaytun donachasi
- 200 gramm salat bargi
- 100 gramm kedr yong'og'i
- ta'bga ko'ra tuz va murch
- 60 gramm ismaloq
- 2 dona tuxum
- 200 gramm sut
- 300 gramm un
- 7 osh qoshiq zaytun yog'i
- 3 osh qoshiq limon sharbati
- 1/4 chashka parmezan pishlog'i (qirg'ichdan chiqarilgan)
Tayyorlash usuli:
1. Birinchi navbatda blinchikni tayyorlashga kirishing. Blinchik uchun yashil xamirni tayyorlang. Ismaloqni tuz solingan suvda 3 daqiqa davomida qaynating. So'ng, sitodan chiqaring, blender idishiga soling. Tuxum, 100 ml sut, bir chimdim tuz soling. Ko'pirtiring. 100-130 gramm un soling, ko'pirtiring. So'ng, yorqin xamirni tayyorlang. 1 dona tuxum, tuz, 100 gramm sut va 100-130 gramm unni birlashtiring va ko'pirtiring.
2. Blinchik tovasini o'simlik yog'i bilan surting. Qizdiring. 2 osh qoshiq yorqin, 2 osh qoshiq yashil xamirdan quying va blinchikni pishiring. Natijada 7-8 dona blinchik tayyor bo'ladi.
3. Sovugan har bir blinchikni rulet qilib o'rang va katta bo'lmagan uzunlikda kesib chiqing.
4. Salat bargini yuving va quriting. Qo'lingizda katta bo'lmagan bo'laklarga bo'ling va tog'orachaga soling.
5. Sabzini tozalang va uzunligi bo'ylab, yupqa, parrak shaklda kesing. Tuz va hohishga ko'ra ziravorlar solib, 1 daqiqa davomida pishiring. So'ng, suvdan oling va quriting. Rulet shaklida o'rang va salat bargi bilan uchrashtiring.
6. Yashil no'xot konservasini sharbatidan ajrating.
7. Yashil loviyani tuz va ziravorlar solingan suvda, butunlay tayyor bo'lgunga qadar pishiring. So'ng, qolgan masalliqlar bilan ko'rishtiring.
8. Ushbu bosqichda bekajonlar salat uchun zapravkani tayyorlang. Buning uchun: 1 osh qoshiq kedr yong'og'i, zaytun yog'i, limon sharbati, pishloq, ta'bga ko'ra tuz va murchni blender idishida birlashtiring. Ko'pirtiring.
9. Tayyorlangan masalliqlarga zaytun donachalarini soling. Aralashtiring. Salat dasturxonga tortiladigan idishga soling. Kedr yong'og'i va zapravkani quying. Blinchik bilan bezating. Salat tayyor!
Yoqimli ishtaxa!
