Күңелләргә тула бәхет-шатлык,
Күңелләрдә яңа яз туа.
Елмаегыз әле, гүзәл затлар,
Бар дөньяга тулсын наз гына.
Бар дөньяга тулсын гөлләр исе,
Бар дөньяга тулсын сөенеч.
Сөйләшмәгез, елмаегыз гына,
Сез кадерле безгә сер килеш.
Сезне күргәч, җанга илһам иңә,
Күңелләргә иңә гүзәллек.
Сезнең өчен мәңге балкырбыз күк,
Булмаса да кайчак үзгәреп.
Кичерегез, камил булмасак та,
Әниләр, Кызлар, Сөйгән ярыбыз!
Сез булганда дөнья назлы булыр,
Сез мәңгелек безнең языбыз!