Bugun sizlarga noan'anaviy va ajoyib pechenya retseptini taqdim etaman. Shirinliklarni hush ko'ruvchi bekajonlar ushbu pechenya nomini o'qiboq qanday pechenya ekanligini tushunib yetgandirlar. Ushbu pechenyani nafaqat issiqina choy yoki qaxva bilan tanovvul qilish mumkin. Balki, ushbu pechenya tiramisu desertini tayyorlashda ham foydalaniladi. Savoyardi pechenyasi juda ham tez tayyorlanadi. Shu sababdan tayyorlashni boshlaganingizdan toki pechenya pechga joylangunga qadar to'xtamasdan tayyorlang.
Kerakli masalliqlar:
- 40 gramm shakar
- 1,5 osh qoshiq shakar kukuni
- 50 gramm un
- 3 dona tuxum
Tayyorlash usuli:
1. Birinchi navbatda pechni 180 darajaga qizdirishga qo'ying. Pergament qog'ozi va konditer qopchasini tayyorlab oling.
2. Extiyotkorlik bilan tuxum oqidan sariqlarini ajrating.
3. 50 gramm shakar bilan tuxum sariqlarini yaxshilab ko'pirtiring.
4. Ko'pirtirilgan tuxumli massaga unning yarim qismini soling. Pastdan yuqoriga harakatlangan holda, oshxona lopatkasi yordamida aralashtiring.
5. Aloxida idishda tuxum oqi va shakarni hajmini ushlab turaoladigan darajadagi massa holigacha ko'pirtiring.
6. Ko'pirtirilgan tuxum oqining yarim qismini tuxum sariqli massaga soling. Pastdan tepaga harakatlangan holda, extiyotkorlik bilan aralashtiring.
7. Qolgan un qismini soling aralashtiring.
8. Qolgan tuxum oqini qo'shing va aralashtiring.
9. Pishirish qolipiga pergament qog'ozi yozing. Konditer qopchasiga tayyorlangan massani soling va qog'oz ustiga, orasidan masofa qoldirgan holda, chiziqlar chiqaring. Chiqarilgan chiziqlar ustiga shakar kukuni seping. 180 darajada qizib turgan pechda 10-12 daqiqa davomida pishirib oling.
10. Tayyor pechenyani 5-10 daqiqa davomida sovuting. So'ng, qog'ozdan ajratib oling. Mazali pechenya tayyor!
Yoqimli ishtaxa!