Yoz fasli kelishi bilanoq deyarli barcha bekalar oshxonada ko'p vaqt o'tkazishni hohlamay qolishadi. Shu sababli e'tiboringizga tez tayyorlanish bilan birga juda ham nozik va mazali taom retseptini taqdim etishni lozim topdim. Yengil va barcha uchun manzur bo'luvchi taomga garnir sifatida guruch, makaron, kartoshka mahsulotlaridan tayyorlashingiz mumkin.
Kerakli masalliqlar:
6 dona tovuq ko'kragi (filesi)
1 dona piyoz
1 dona sabzi
200-300 gramm shampinon
200-300 ml sut
tuz, un, sarimsoq, quritilgan ko'katlar jamlanmasi
Tayyorlash usuli:
1. Tovuq go'shti ko'kragini yuving va quriting. 2,5-3 sm qalinlikda kesib chiqing. Go'sht bo'laklarini limon sharbati bilan sepishingiz ham mumkin. Bu taomga yanada tansiqlik bag'ishlaydi.
2. Shampinonlarni parrak shaklida to'rg'ang. Hohishga ko'ra qurigan shampinondan foydalanishingiz ham mumkin.
3. Katta tovada, qizdirilgan yog'da mayda to'rg'algan piyoz, qirg'ichning katta tomonidan chiqarilgan sabzi, maydalangan sarimsoq tishchasini qovuring.
4. Qovurilayotgan sabzavotlarga blender idishida aralashtirilgan sut, unli massani quying. Ta'bga ko'ra tuz va ziravorlarni soling. Sous quyuq tayyor bo'lganda, navbatini kutib turgan shampinonlarni soling.
5. Aloxida tovada, qizdirilgan o'simlik yog'ida tovuq go'shti bo'laklarini, 2daqiqa davomida qovuring. Go'sht bo'laklari har tomonlama oq tusga kirishi lozim. So'ng, go'sht bo'laklari va sousni uchrashtiring. Go'sht bo'laklarini solganingizdan so'ng, 3-5 daqiqa tayyorlashda davom eting. Bu juda muhim! Belgilangan vaqtdan o'tkazib yuborsangiz, go'sht qattiqlashadi va sous o'zining mazali ta'mini yo'qotadi.
6. M-m-m, juda ham mazali! Saryog'-sabzavotli souzga cho'mgan nozik go'sht bo'laklari bu ajoyib taom.
Yoqimli ishtaxa!