Medovik tortini hush ko'rmaydigan kishining o'zi bo'lmasa kerak. Hattoki shirinlikni hush ko'rmaydiganlar ham ushbu shirinlikni rad etmasliklari turgan gap. Shunday ekan e'tiboringizga medovik torti o'rnini bosuvchi shirinlikni taqdim etaman. Tayyorlanish jarayoni ko'p vaqtingizni olmaydi, natijada sizga va yaqinlaringizga juda ham manzur bo'luvchi desert tayyorlanadi.
Kerakli masalliqlar:
- 1/3 stakan jigarrang shakar
- 1 osh qoshiq asal
- 1 dona tuxum
- 50 gramm saryog'
- 1,5 stakan un
- 0,5 choy qoshiq ichimlik sodasi
- 1 osh qoshiq sut
- 350 gramm smetana
- ta'bga ko'ra shakar kukuni
- bezash uchun shokolad va kokos qirindisi (kokos strujkasi)
Tayyorlash usuli:
1. Tog'orachada jigarrang shakar, saryog', asalni birlashtiring. Aralashmani suv xammomiga qo'ying, qaynash darajasiga olib boring. Ichimlik sodasini soling, olovdan oling va aralashtiring. Aloxida idishda tuxum va sutni birlashtiring.
2. Tuxumli massa va asalli massani uchrashtiring.
3. Unni soling.
4. Xamir qoring.
5. Xamirni yupqa qilib yoying. Maxsus konditer qolipi yordamida, yumaloq shakllar kesib chiqing.
6. Qizdirilgan quruq tovada, har tomonlama, tilla tusga kirgunga qadar pishiring (diqqatli bo'ling, korjlar juda ham tez tayyorlanadi).
7. Tayyor korjlarni laganga tergan holda sovuting.
8. So'ng, extiyotkorlik bilan chetlarini kesib chiqing.
9. Smetana va shakar kukunini birlashtiring. Venchik yordamida aralashtiring. 3-4 dona korjni birlashtirgan holda, kremdan surting. Yig'ilgan shirinlik chetlarini ham krem bilan surting.
10. Kesib olingan korjning chet qismlarini blender yordamida maydalang.
11. Shirinlikning ustki va devor qismlarini tayyorlangan ushoq bilan o'rab chiqing. Shirinlikning ustki qismini eritilgan shokolad, kokos qirindisi bilan bezating.
12. Mazali va nozik shirinlik tayyor!
Yoqimli ishtaxa!