Pirojki - ushbu pishiriqni har qanday asos bilan tayyorlasangiz ham yaqinlaringiz juda ham minnatdor bo'lishlari turgan gap. Ushbu retseptni sizga taqdim qilishni lozim deb bildim. Ushbu pirojkini necha marotaba tayyorlagan bo'lsam ham yaqinlarim qayta-qayta tayyorlab berishimni iltimos qilishadi. Shu sababli sizlarga ham tavsiya qilaman.
Kerakli masalliqlar:
Xamir uchun:
800 gramm un
12 gramm xamirturush
300 ml sut
1 choy qoshiq tuz
100 gramm shakar
200 gramm margarin
3 dona tuxum
bir chimdim vanilin
1 dona tuxum sarig'i
Asosiga:
1 kg olma
500 gramm oshqovoq
1/2 dona limon (po'sti va sharbati)
1 stakan shakar
50 gramm saryog'
Tayyorlash usuli:
1. Birinchi navbatda xamirni tayyorlashga kirishing. 100 ml isisq sutga xamirturush va 1 osh qoshiq shakarni soling, aralashtiring. 10 daqiqaga qoldiring.
2. Aloxida idishda tuxum va 120 gramm shakarni ko'pirtiring.
3. 200 ml issiq sutga bir chimdim tuz va vanilinni soling. Eritilgan iliq holdagi margarin va xamirturushli massani birlashtiring.
4. 800 gramm unni soling va yumshoq xamir qoring. Xamir yumshoq bo'lishiga qaramay qo'lga yopishmaydigan bo'lishi lozim.
5. Xamirni zuvala qilib tog'orachaga solib, sochiq ostida, issiq joyga olib qo'ying.
6. Bu vaqt mobaynida asosni tayyorlashga kirishing.Olma va qovoqni tozalang, to'rtburchak shaklda to'rg'ang. Olmani limon sharbati bilan seping.
7. Kastryulkada saryog'ni eriting, 1 stakan shakarni soling va aralashtiring.
8. Olma va qovoqni soling, yumshoq holga kelgunga qadar dimlang. So'ng, asosni sovuting va qirg'ichdan chiqarilgan limon po'stini soling.
9. Xamir tayyor! Xamirni bir xil teng bo'laklarga bo'ling, zuvalab chiqing.
10. Har bir xamir bo'lagini yumaloq shaklda, o'rta qalinlikda yoying. 1 osh qoshiqdan asos soling, xamir chetlarini birlashtiring va buklab chiqing.
11. Pergament qog'ozi yozilgan qolipga tering, 30 daqiqaga usti yopiq holda qoldiring. Pirojkilarning ustki qismini tuxum sarig'i bilan surting. 180 darajada qizdirilgan pechda 25-30 daqiqa davomida pishiring.
12. Yoqimli ifor xonadoningizni egalladi. Demak, mazali pirojkilar tayyor!
Yoqimli ishtaxa!