Sho'rva o'zbek milliy taomlaridan biri hisoblanib, ushbu taomni bilmagan, tayyorlamagan bekaning o'zi bo'lmasa kerak. Bugun sizlar bilan esa qo'y go'shti solib, qaynatma usulda, yengil va mazali tayyor bo'ladigan sho'rvani tayyorlaymiz. Barcha uchun sevimli taomni albatta tayyorlang!
Kerakli masalliqlar:
1 kg suyakli qo'y go'shti
700 gramm piyoz
1-2 dona sabzi
2 dona bulg'or qalampiri
1 dona bexi mevasi
3-4 dona pomidor
Ta'bga ko'ra kartoshka
Ta'bga ko'ra tuz, murch, ziravorlar, petrushka, kashnuch va rayhon ko'katlari
Tayyorlash usuli:
1. Suyakli qo'y go'shti sho'rva uchun eng to'g'ri tanlov. Go'shtni o'rtacha kattalikda bo'laklarga bo'ling va yuving.
2. Qozonga quyilgan sovuq suvga go'sh bo'laklarini tushuring va qaynash darajasiga olib boring. Qaynashni boshlab, ko'pik hosil bo'lishni boshlashi bilan bir chimdim tuz soling. Ko'pikni terib oling. So'ng, halqa yoki yarim halqa shaklida to'rg'algan piyozni soling. 30 daqiqaga, past olovda qaynatishga qoldiring.
3. So'ng, yumaloq shaklda to'rg'algan sabzi, maydalangan ko'katlar jamlanmasi, ziravorlarni soling. Agarda siz qo'y go'shti yog'ini solishni ma'qul deb bilsangiz u holda ushbu bosqichda yog'ni soling. Past olovda 1 soat qaynatishda davom eting.
4. So'ng, po'stidan archilgan pomidor, to'rg'algan bulg'or qalampirini soling. Bexi mevasini unutmang. Tozalanga va bo'laklarga bo'ling. Qaynab turgan sho'rvaga bexi bo'laklarini soling. Kartoshkani soling. Hohishga ko'ra kartoshkani aloxida suvda pishirish ham mumkin.
5. Eng qiyin bosqichlar ortda qoldi. Barcha masalliqlar tayyor bo'lishini kutish qoldi. Sho'rvani past olovda qaynatib, tayyorlash maqsadga muvofiq. Past olovda tayyorlangan sho'rva bulyoni yaltiroq va go'zal ko'rinishda bo'ladi. Ta'bga ko'ra tuzni soling. 30 daqiqa qaynating.
6. Belgilangan vaqt o'tib mazali va tayyor sho'rvani olovdan oling, 5 daqiqaga dam bering. Mazali sho'rva tayyor!
Yoqimli ishtaxa!