Bekajonlar e'tiboringizga ajoyib taom retseptini taqdim etishni lozim topdim. Pechda tayyorlangan tovuq oyoqchalari juda mazali tushlik yoki kechki ovqat bo'la olishiga hech ham shubxa yo'q. Aytgancha, bu taomga qo'shimcha sifatida baqlajon, qovoqcha, pomidor sabzavotlarini ham solib, yangicha ta'mga ega bo'lishingiz mumkin. Sinab ko'rishga aslo cho'chimang.
Kerakli masalliqlar:
- 4 dona tovuq oyoqchalari
- 4 osh qoshiq xantal sousi
- 1 stakan quritilgan non ushog'i
Tayyorlash usuli:
1. Birinchi navbatda pechni 220 darajaga qizdirishga qo'ying.
2. Tovuq oyoqchalarini tozalang, yuving va quriting. So'ng, xantal sousi bilan surting.
3. Oyoqchalarni quritilgan non ushog'iga yumalating. Non ushog'ini qo'lingizda ezib qo'ying, natijada non ushog'i butunlay oyoqchalarni o'rab olishi lozim.
4. Tovuq oyoqchalarini pishirish qolipiga terib chiqing. So'ng, qizib turgan pechda, 25 daqiqa davomida pishiring.
5. Tovuq oyoqchalariga garnir sifatida guruch, kartoshka, makaron mahsulotlaridan tayyorlashingiz mumkin. Ushbu retseptda esa salat bari va pomidor bilan tayyorlangan. Tovuq oyoqchalari tayyor!
Yoqimli ishtaxa!
