Sabzavotlar juda ham vitaminlarga va foydali elementlarga boy mahsulot hisoblanadi. Ulardan tayyorlangan taomlar esa mazali va o'ziga xos ishtaxa ochar hususiyatga egadir. Bugun e'tiboringizga esa shunday taomlardan birini taqdim etishni lozim topdim. Ushbu taom haqida ming bor ta'rifini eshitgunga qadar bir bor sinab ko'ring.
Kerakli masalliqlar:
- 100 gramm tabiiy yogurt
- 30 gramm rikotta
- ta'bga ko'ra tuz va murch
- 50 gramm bodring
- 25 gramm sukini
- 25 gramm baqlajon
- 25 gramm sabzi
- 25 grammdan qizil va sariq bulg'or qalampiri
- zaytun yog'i
Tayyorlash usuli:
1. Sukini, po'stidan tozalangan baqlajon, sabzi, qizil va sariq bulg'or qalampirini bir xil hajmda, mayda to'rtburchak shaklda to'rg'ang.
2. Tovada, qizdirilgan zaytun yog'ida sabzavotlarni qovuring. Ta'bga ko'ra tuz va murch soling.
3. Sousni tayyorlang. Buning uchun: po'stidan archib, bo'laklarga bo'lingan bodring, yogurt, ozgina zaytun yog'i, tuz va murchni blender idishida birlashtiring va pyurelang. E'tiborliroq bo'ling, sous bir xil konsistensiyada bo'lishi lozim. So'ng, 10 daqiqaga muzlatgichga qo'ying.
4. Rikottani tuz, murch va bir tomchi zaytun yog'i bilan aralashtiring.
5. Maxsus konditer qolipi yordamida, sabzavotlarni laganning markaziga soling. Qoshiq bilan ezib qo'ying, hajmini ushlab turishi uchun. Qolipni olmagan holda sousni quying.
6. Extiyotkorlik bilan qolipni oling. So'ng, rikotta bo'lagini sabzavotlar ustiga joylang. Ko'kat shoxchasi bilan bezating. Sabzavotli tartar tayyor!
Yoqimli ishtaxa!
