Obunachilar e`tibori - Internet olamidagi eng qimmat valyuta hisoblanadi. Mazkur ko`rsatkich bizning hamyonlarimiz bilan to`g`ridan to`g`ri bog`langan. Afsuski, kuchli raqobat maydoniga aylangan Telegram olamida obunachilar narxi ancha ko`tarilib ketgan.
Deyarli har kuni adminlar obunachilarni jalb qilishni eng oson yo`llarini izlashadi. Kimdir reklama matniga, kimdir uning formatiga e`tibor beradi. Shu yechimlarning orasida menga eng yoqgani bu "Obunachilar orasida konkurs" o`tkazish bo`ldi.
Bu usulning texnologiyasini o`rganib chiqib uni sizlar bilan baham ko`rmoqchiman.
Umumiy konsepsiya
Obunachilar orasida pullik konkurs o`tkaziladi. Konkursda ishtirok etish uchun obunachi siz bergan maxsus promopostni kontaktidagi 10 kishiga yuboradi.
Postlarni kontaktlariga ulashganligni tekshirish uchun obunachidan umumiy chatlar ro`yhatini skrinshot qilib sizga yuborishini so`raysiz. Agar u barcha harakatlarni to`g`ri bajargan bo`lsa, telefon raqamini olib biron joyga(bloknot, word yoki excel) ga yozib qo`yasiz.
Konkursga ertalab soat 9 da start bersangiz. kechki soat 7 da ishtirokchilarni qabul qilishni to`xtatib, G`olibni aniqlaysiz. Umuman olganda vaqt borasida hamma o`zi hohlagancha ish tutadi.
G`olib qanday aniqlanadi ?
100 lab obunachilar orasidan g`olibni aniqlash uchun Ixtiyoriy ro`yhat generatori saytidan foydalanamiz.
Ishtirokchilar ro`yhatini mazkur saytga yozib, Randomize tugmachasiga bosamiz.
Sayt bizga ro`yhatimizni tasodifiy tartibda joylashtirib beradi. Shu ro`yhatning birinchisidagi ishtirokchi konkurs g`olibi bo`ladi.
Mazkur ro`yhatni skrinshot qilib, Konkurs yakunida kanalga yuklash esdan chiqmasin. Yutuqni g`olibga bergach albatta undan tasdiqnoma oling va kanalga yuklang. Bu yo`l bilan obunachilar orasida konkurs haqqoniy va yutuq haqiqatdan ham egasiga borganiga isbot bo`ladi.