Motsarella pishlog’i bilan pishiriladigan «margaritta» pitsasi mashhur va eng sevimli pitsalardan biri hisoblanadi. Hozir esa uni uy sharoitida qanday tez va oson tayyorlash mumkinligi haqida gapirib beramiz. Pitsa pishayotganida undan taraladigan xushbo’y ifor hech kimni befarq qoldirmaydi. Yaqinlaringiz bir zumda dasturxon davrasiga jam bo'lishadi.
Kerakli masalliqlar:
- 100 gramm mosarella pishlog'i
- 1 bog' rayhon ko'kati
- 4 osh qoshiq pomidorli sous
- 1 dona pomidor
Tayyorlash usuli:
1. Pitsa uchun xamirni tayyorlang.
2. Pomidorni yupqa, halqasimon shaklda kesing. Pishloqni 1sm qalinlikda bo'laklarga bo'ling.
3. Pitsa uchun xamirni un sepilgan stol ustida, qalinligi 3 sm qalinlikda yoying. Xamirni pergament qog'oziga oling. Yoyilgan xamir markaziga pomidor sousini soling. Qoshiq yordamida bir xil qalinlikda, pomidor sousini surtib chiqing.
4. Pishloq bo'laklarini terib chiqing.
5. Pishloq ustidan ko'kat barglarini seping, hohishingizga ko'ra ziravorlarni seping. Halqa shaklida kesilgan pomidorni tering.
6. Pechni 180-200 darajada qizdiring. Pishirish qolipini 10 daqiqa issiq pechda ushlab turing. Issiq pishirish qolipiga tayyorlangan pitsani qo'ying. So'ng, 3-6 daqiqa davomida pastki qismda pishiring. Pitsa noni tayyor bo'lishi uchun. So'ng, 3 daqiqa o'rta qismda pishiring. Pitsaning pishish jarayonini kuzatib turing. Pishloq erigandan so'ng, tayyor pitsani pechdan oling. 1 daqiqa oshxona panjarasida sovuting.
7. Mazali pitsa tayyor!
Yoqimli ishtaxa!