Shokolad strujkasi ostidagi tovorogdan tayyorlangan konfet - mazali desert. Tayyorlanishi juda ham oddiy, biroq natijasi sizga va yaqinlaringizga juda ham ma'qul bo'lishi turgan gap. Shuningdek, ushbu konfet bolajonlar uchun ham sevimli shirinlikga aylanishiga hech ham shubxa yo'q.
Kerakli masalliqlar:
- 200 gramm tvorog
- 3 osh qoshiq shakar kukuni
- 2 osh qoshiq kakao kukuni
- vanilin
- 1 osh qoshiq smetana
- Shokolad
Tayyorlash usuli:
1, Blender idishida tvorog, shakar kukuni, kakao kukuni va vanilinni birlashtiring. Smetanani soling va bir xil massa holiga kelgunga qadar aralashtiring.
2. Tvorogli massa o'z hajmini ushlab turaoladigan bo'lishi lozim.
3. Muzlatgichdagi shokoladni qirg'ichning katta tomonidan chiqaring. Ushbu retseptga 50 gramm shokolad kerak bo'ladi.
4. Tvorogli massadan qo'lingizda yoki osh qoshiq yordamida sharchalar yasang.
5. Har bir tvorogli sharchalarni shokoladga yumalating va laganga bir qavat qilib tering.
6. Konfetlarni 30 daqiqaga muzlatgichga olib qo'ying. Belgilangan vaqt o'tib, konfetlarni issiq qaxva yoki choy bilan dasturxonga torting.
Yoqimli ishtaxa!