Bahor kelishi bilanoq inson organizmi vitaminlar talab qilishni boshlaydi. Bugun taqdim etiladigan pirog retsepti esa aynan shular jumlasidan. Vitaminlarga boy va foydali elementlarga boy pirog retseptini sizga taqdim etamiz. Tez tayyorlanadigan ushbu pirog sizga va yaqinlaringizga juda ham manzur bo'ladi.
Kerakli masalliqlar:
- 150 gramm margarin
- 300 gramm un
- 4 dona tuxum
- 300 gramm smetana
- Ta'bga ko'ra tuz va murch
- 200 gramm ismaloq
- 150 gramm ko'k piyoz
- 50 gramm ukrop, 30 gramm petrushka
- 600 gramm tvorog
- 200 gramm pishloq
- 20 gramm saryog'
- 1 choy qoshiq muskat yong'og'i
Tayyorlash usuli:
1. Birinchi navbatda pirog uchun xamirni tayyorlang. Buning uchun: sovutilgan saryog' yoki margarinni un va 0,5 choy qoshiq tuz bilan qo'lingizda ushoqlang. 1 dona tuxum solib, xamir qoring.
2. Agar xamir qattiq va quruq bo'lsa, 1 osh qoshiq smetana soling. Xamirni zuvala qilib, muzlatgichga qo'ying.
3. Ismaloqni yuving va issiq suv quying, 5 daqiqaga qoldiring. So'ng, ortiqcha suvdan halos etish uchun sitoga olib qo'ying. Mayda to'rg'ang.
4. Ko'k piyozni yuving, mayda to'rg'ang. Saryog'da yumshoq holga kelgunga qadar qovuring.
5. Tvorogni 2 dona tuxum, 0,5 choy qoshiq tuz bilan aralashtiring. 200 gramm smetana, 100 gramm qirg'ichdan chiqarilgan pishloq, maydalangan ukrop, petrushka, ismaloq, ko'k piyozni soling. Bir xil massa hosil bo'lgunga qadar aralashtiring.
6. Pishirish qolipiga pergament qog'ozi yozing. Xamirni qolip devorlari bo'ylab yoying. Sanchqi yordamida xamirda izlar qoldiring.
7. Tayyorlangan asosni soling va tekislang.
8. 50 gramm pishloqni qirg'ichdan chiqaring, 100 gramm smetana, 1 dona tuxum va muskat yong'og'ini birlashtiring. Aralashtiring.
9. Pishloqli massani asos ustidan soling, tekislang. 180 darajada qizdirilgan pechda 30-35 daqiqa davomida pishiring. Pishish jarayonini kuzating. Pishloqli massa kuyib qolishi mumkin. Tilla tusga kirishi bilan pirogni pechdan oling.
10. Tayyorlangan pirogni 20 daqiqa qolipda sovuting. So'ng, darhol dasturxonga torting.
Yoqimli ishtaxa!
