Hushbo'y va nozik, shu bilan birga juda ham mazali. Taqdim etiladigan retseptning tayyorlanishi juda ham oddiy. Har qanday dasturxondan o'zining yorqin o'rnini egallash bilan birga, dasturxon davrasidagilarga hushkayfiyat ulashadi. Ushbu retsept taomnomangizdan o'zining o'rnini egallashi turgan gap.
Kerakli masalliqlar:
- 200 gramm un
- 110 gramm saryog'
- 230 gramm shakar kukuni
- 80 gramm shakar
- 60 gramm makkajo'xori kraxmali
- 2 gramm vanilin
- 5 dona tuxum
- 5-7 dona mandarin
- 350 gramm tvorog
- 100 gramm suv
Tayyorlash usuli:
1. Birinchi navbatda pirog uchun xamirni tayyorlang. Buning uchun: 110 gramm yumshatilgan saryog'ni 200 gramm un, 60 gramm shakar kukuni bilan birlashtiring.
2. Mikser yoki qo'lda xamir qoring.
3. Natijada bir xil hajmda ushoqlangan massa hosil bo'ladi.
4. Pishirish qolipining tag qismiga pergament qog'ozi yozing. Xamirni devorlari bo'ylab, 4-5 sm qalinlikda yoyib chiqing.
5. Sanchqi yordamida xamirda izlar qoldiring. 180 darajada qizdirilgan pechda, 10-15 daqiqa davomida, tilla tusga kirgunga qadar pishiring.
6. Blender yoki qirg'ichdan 2 dona mandarin po'stini chiqaring.
7. Mandarin sharbatini chiqaring.
8. 500 ml mandarin sharbatiga 80 gramm shakarni soling.
9. Past olovda, quyuq sous tayyor bo'lgunga qadar qaynating.
10. 70 gramm shakar kukuni va 2 dona tuxum oqini birlashtiring va quyuq-yengil massa hosil bo'lgunga qadar ko'pirtiring.
11. Ko'pirtirilgan massaga 350 gramm tvorog, 100 gramm mandarin sharbati, 70 gramm shakar kukuni, 40 gramm kraxmal, 30 gramm mandarin po'sti, vanilin, 3 dona tuxum va 2 dona tuxum sarig'ini birlashtiring.
12. Bir xil massa hosil bo'lgunga qadar ko'pirtiring.
13. Tayyorlangan tvorogli massani pishirilgan korj ustiga quying. Qolipni silkiting. 160 darajada qizdirilgan pechda 30 daqiqa davomida pishiring.
14. Tayyor bo'lgan pirogni 1 soatga sovutishga qoldiring.
15. Bu vaqt mobaynida jeleni tayyorlang. Buning uchun: 100 gramm mandarin sharbati, 20 gramm kraxmal, 30 gramm shakar kukuni, 1 gramm vanilin va 100 gramm suvni birlashtiring.
16. Aralashtiring. Suv hammomida, doim aralashtirgan holda quyuqlashgunga qadar tayyorlang. Biroq, qaynatib yubormang.
17. Sovugan pirog ustidan tayyorlangan sousni quying.
18. Tekislang va 1 soatga muzlatgichga qo'ying. So'ng, qolipdan oling va pirogning ortiqcha devorlarini kesib tashlang. Pirogni darhol dasturxonga torting.
Yoqimli ishtaxa!