Shirinliklarni hush ko'ruvchilar uchun navbatdagi mazali va nozik retseptni taqdim etamiz. Desert o'z hajmini ushlab, go'zal va ishtaxa ochar ko'rinishga ega bo'lishi uchun desertni shundoq chashkada dasturxonga torting. Chashkada tortilgan chizkeyk noan'anaviy va o'zgacha bo'lib, dasturxon davrasida barchani lol qoldirib, lazzatlanish baxtini taqdim etadi.
Kerakli masalliqlar:
* 150 gramm smetana
* 150+50 gramm tvorogli pishloq (almetta,filadelfiya)
* 1 dona tuxum
* 75+50 gramm shakar
* 50+50 gramm qaymoq
* 1 osh qoshiq shokolad qirindisi (bezash uchun)
Tayyorlash usuli:
1. Tog'orachada qaymoq va smetanani birlashtiring.
2. 75 gramm shakar, 150 gramm tvorogli pishloq va tuxumni soling.
3. Birlashtirilgan masalliqlarni bir xil massa hosil bo'lgunga qadar ko'pirtiring.
4. Tayyorlangan massani issiqga chidamli chashkaga soling. 140 darajada qizdirilgan pechda, 20 daqiqa davomida pishiring.
5. Bu vaqt mobaynida kremni tayyorlashga kirishing. Buning uchun: qaymoq, tvorogli pishloq va shakarni birlashtiring. yengil massa hosil bo'lgunga qadar ko'pirtiring.
6. Kremni konditer qopchasiga soling. Tayyor, sovugan chizkeykning ustki qismini krem bilan bezating.
7. Krem ustidan shokolad qirindisini seping. Chizkeyk tayyor!
Yoqimli ishtaxa!
