Ushbu katta bo'lmagan bulochkalar sizga va yaqinlaringizga bir olam quvonch va hushkayfiyatni taqdim etishi turgan gap. Tayyorlanishi oddiy bo'lgan, biroq juda ham mazali bulochkalarni albatta tayyorlang!
Kerakli masalliqlar:
* 2 stakan un
* 50 gramm saryog'
* 3/4 stakan qaymoq
* 1 osh qoshiq qabartma
* 1/2 choy qoshiq sarimsoq kukuni
* Ta'bga ko'ra tuz va murch
Asosiga:
* 150 gramm brinza
* 4 dona sarimsoq tishchasi, 0,5 bog' petrushka
* 2 osh qoshiq zaytun yog'i
* 2 osh qoshiq parmezan pishlog'i
* 1 dona tuxum sarig'i
* 1 osh qoshiq qaymoq
Tayyorlash usuli:
1. Birinchi navbatda xamirni tayyorlang. Sovuq holdagi saryog'ni mayda to'rg'ang. Aloxida idishda un, qabartma, murch, sarimsoq kukunini birlashtiring. Saryog'ni soling, qo'lingiz yordamida ushoqlang. Qaymoqni quying va tezlik bilan xamir qoring. Xamirni oziq-ovqat paketiga soling, 1 soatga muzlatgichga qo'ying.
2. Asosni tayyorlashga kirishing. Buning uchun: sarimsoq va petrushka ko'katini mayda to'rg'ang, murch seping. Brinzani sanchqi yordamida ezing, zaytun yog'i bilan aralashtiring. Petrushka-sarimsoqli massani solib, aralashtiring.
3. Xamirni oshxona stoli ustida, uzunligi 35 sm hajmda to'rtburchak shaklda yoying. Tayyorlangan asosni bir xil qalinlikda soling. Asos solingan xamirni rulet shaklida o'rang.
4. Ruletni o'tkir pichoq bilan 12 dona bir xil bo'laklarga bo'ling. Pichoqni har safar qaynagan suvga botirgan holda kesing. Rulet bo'laklarini pergament qog'ozi yozilgan pishirish qolipiga terib chiqing.
5. Tuxum sarig'i va qaymoqni ko'pirtiring. Har bir bulochka ustini surting va qirg'ichdan chiqarilgan parmezan pishlog'i bilan seping. Bulochkalarni 220 darajada qizdirilgan pechda 10-15 daqiqa davomida pishiring. Tayyor bulochkalarni biroz sovuting va dasturxonga torting.
Yoqimli ishtaxa!