Rus oshxonasining sevimli taomlaridan birini e'tiboringizga taqdim etamiz. Bugun ushbu taomni eski retsept bo'yicha tayyorlaymiz. Tez tayyorlanadigan, mazali taomni albatta tayyorlang! Ishoning dasturxon davrasida yaqinlaringiz uchun ma'qul bo'lishi turgan gap.
Kerakli masalliqlar:
0,5 stakan bodring rassoli (tuzlangan bodring sharbati)
Tuz, murch, lavr bargi va qora qalampir donachalari (ta'bga ko'ra)
2,5 l mol go'shti bulyoni
300 gramm mol go'shti (suyakli qismi)
1-2 dona tuzlangan bodring
2 osh qoshiq o'simlik yog'i
1 dona sabzi, piyoz, petrushka ko'kati
400 gramm mol buyragi
1-2 dona kichik pishirilgan kartoshka
3 osh qoshiq guruch
Tayyorlash usuli:
1. Birinchi navbatda bulyonni tayyorlang. Bulyonda pishirilgan mol go'shtini bulyondan ajratib oling. Suyagidan ajrating, katta bo'laklarda kesib chiqing, usti yopiq holda qoldiring. Har bir mol buyragini ikki qismga bo'ling, yog' va chiqindi qismlarini ajrating. Yuving, suvuq suvda 3 soatga qoldiring. Vaqti-vaqti bilan suvni almashtirib turing.
2. So'ng, bo'laklarga bo'ling, suv quyilgan kastryulkaga soling, qaynash darajasiga olib boring. Birinchi tayyorlangan bulyonni to'kib tashlang, buyrak bo'laklarini yuving. Toza kastryulkaga soling, 2 stakan sovuq suv quying. Qaynash darajasiga olib boring. Tuz soling va 1,5 soat mobaynida qaynating, so'ng sitoga suzib oling.
3. Sabzavotlarni tozalang, yuving. Kartoshka, sabzini somoncha shaklda to'rg'ang. Piyozni yarim halqa qilib to'rg'ang. Tuzlangan bodringni ham somoncha shaklda to'rg'ang. Petrushka ko'katini maydalab to'rg'ang.
4. Tovada qizdirilgan o'simlik yog'ida sabzi, piyozni 2 daqiqa davomida qovuring. Bodringni soling va 4 daqiqa davomida, aralashtirishni esdan chiqarmagan holda dimlang.
5. Mol go'shti bulyonini qaynash darajasiga olib boring. Buyrak bo'laklarini soling. Yuvilgan guruchni solib, 7 daqiqa davomida pishiring.
6. Kartoshka, lavr bargi, qalampir donachalarini soling va 5 daqiqa qaynating. Dimlangan sabzavotlarni soling.
7. Bodring rassolini suzib oling. Qolgan masalliqlar bilan birlashtiring. Ta'bga tuz, murch soling, aralashtiring. Olovdan oling, ko'katni soling, qopqoq ostida 10 daqiqaga qoldiring.
8. Belgilangan vaqt o'tib, mazali taomni smetana bilan birga dasturxonga torting.
Yoqimli ishtaxa!