Smuzi - bu quyuq sharbat bo'lib, blenderda pyurelangan mevalardir. Qo'shimcha sifatida muz donachalari, sharbatlar, yogurt, sut, asal, yong'oq turlari kabi mahsulaotlar foydalanishingiz ham mumkin. Sog'lom turmush tarziga amal qiluvchilar va ortiqcha vaznga qarshi kurashuvchilar uchun smuzi tamaddining ajoyib tanlovi!
Mag'izlar bilan tayyorlangan smuzi
Kerakli masalliqlar:
1 dona banan
1 osh qoshiq qovoq mag'zi
1 osh qoshiq qora semechka mag'izi
10 dona bodom
1 gramm vanilin
1 choy qoshiq asal
Bir chimdimdan muskat yong'og'i va kurkuma
Tayyorlash usuli:
Ushbu smuzini tayyorlashdan avval banan mevasini muzlatgich muzxonasiga bir necha daqiqaga qo'ying. Qovoq va semechka mag'izlarini suvda uyuting. So'ng, barcha mahsulotlarni blender idishida birlashtiring va bir xil massa hosil bo'lgunga qadar pyurelang. Muskat yong'og'i bilan bezating.
Vitaminlarga boy smuzi
Kerakli masalliqlar:
300 gramm ananas
2 dona banan
1 dona apelsin
Tayyorlash usuli:
Ananasni bo'laklarga bo'ling, qolgan mevalarni tozalang. Masalliqlarni blender idishida birlashtiring. Bir xil massa hosil bo'lgunga qadar pyurelang. Mazali smuzi tayyor!
Banan+qovoq=sevgi
Kerakli masalliqlar:
4 osh qoshiq qovoq pyuresi
5 osh qoshiq sut
2 osh qoshiq grecheskiy yogurt
1/2 osh qoshiq asal
1 dona banan
Bir chimdimdan dolchin va muskat yong'og'i
Tayyorlash usuli:
Qovoq va bananni pyurelang. So'ng, yogurt, asal, sut va ziravorlarni birlashtiring. Blender yordamida birlashtirilgan masalliqlarni bir xil massa hosil bo'lgunga qadar aralashtiring.
Yoqimli kivi
Kerakli masalliqlar:
2 dona banan
3 dona kivi
200 ml sut
200 ml grecheskiy yogurt
4 osh qoshiq ovsyanka
1 sm qirg'ichdan chiqarilgan zanjabil
Ta'bga ko'ra asal
Tayyorlash usuli:
Banan va kivi mevasini blender yordamida pyurelang. So'ng, qolgan masalliqlarni birlashtiring. Bir xil massa hosil bo'lgunga qadar aralashtiring. 2 daqiqa ichida mazali smuzi Tayyor!
Proteinning kuchi
Kerakli masalliqlar:
1/2 dona banan
100 gramm o'rmon mevalari jamlanmasi
200 ml sut
Bir chimdim vanilin
Hohishga ko'ra yong'oq turlari (bodom, keshyu)
Tayyorlash usuli:
Banan va o'rmon mevalarini blender yordamida pyurelang. Qolgan masalliqlarni birlashtiring, bir xil massa hosil bo'lgunga qadar aralashtiring. Kun davomida tetiklik ulashuvchi smuzi tayyor!
Tropik smuzi
Kerakli masalliqlar:
2 dona banan
200 ml sut
125 gramm ananas
100 ml ananas sharbati
Tayyorlash usuli:
Barcha masalliqlarni blender idishida birlashtiring, bir xil massa hosil bo'lgunga qadar pyurelang. Tish pichog'iga o'tkazilgan ananas bo'laklari bilan bezating.
To'yimli avakado bilan tayyorlangan smuzi
Kerakli masalliqlar:
150 ml sut
150 gramm ananas
1/2 dona avakado
1 dona banan
Bir chimdim vanilin
Bezash uchun anoq donachalari
Tayyorlash usuli:
Blender idishida ananas, banan, avakado, vanilin va sutni birlashtiring. Bir xil massa hosil bo'lgunga qadar aralashtiring. Tayyor smuzini anor donachalari bilan bezating. To'yimli va mazali smuzi tayyor!
Mangoli smuzi
Kerakli masalliqlar:
200 ml qo'shimchalarsiz yogurt
400 gramm mango
200 gramm banan
Tayyorlash usuli:
Smuzini tayyorlashdan avval banan mevasini bir necha daqiqaga muzlatgichga qo'ying. Shunda tayyorlangan smuzi yanada nozik va krem kabi natijada tayyorlanadi. Barcha masalliqlarni birlashtiring va blenderda aralashtiring. Mazali ta'mdan lazzatlaning.
Zanjabil qo'shin tayyorlangan smuzi
Kerakli masalliqlar:
2 dona banan
300 ml sut
1/2 choy qoshiq zanjabil
Bir chimdim dolchin va kurkuma
1 gramm vanilin
Ta'bga ko'ra asal
Tayyorlash usuli:
Bananni pyurelang, sut, asal va ziravorlarni birlashtiring. Biz xil massa hosil bo'lgunga qadar blenderda aralashtiring. Bezash uchun ziravorlardan seping.
Yozgi mavsum smuzisi
Kerakli masalliqlar:
1 dona banan
200 gramm tarvuz
6 dona qulupnay
1/2 stakan yogurt yoki sut
Tayyorlash usuli:
Barcha masalliqlarni blender idishida birlashtiring va bir xil massa hosil bo'lgunga qadar aralashtiring. Hushbo'y va mazali smuzidan lazzatlaning.
