Qishning sovuq kunlarida faslning issiq mavsumidagi mevalarni qumsashingiz turgan gap. Shunday ekan u holda ushbu saxifadagi ma'lumotlar siz uchun juda ham manzur bo'ladi. Har bir narsaning qonun-qoidasi bo'lgani kabi mevalarni qishga muzlatgich muzxonasida saqlashning ham qoidalari mavjud. Ular bilan tanishing.
Mevalarni ideal darajada muzlatish uchun pergament qog'ozi, pishirish qolipi kabi qolip, oziq-ovqat paketi, mahsulotlar saqlanadigan konteyner va albatta maromiga yetib pishgan mevalar.
1. Mevalarni yuving va quriting
Tanlangan mevalarni sitoga soling, oqar suvda bir neche marta yuving. Ortiqcha suvi oqib bo'lgandan so'ng, oshxona sochig'iga terib chiqing va butunlay quriting. Mevalar butunlay qurishi lozim. Aks holda kutilgan natijaga erisha olmaysiz.
2. Meva shoxchalari va danaklarini ajrating
Tanlagan mevangiz danakli bo'lsa u holda danaklarini ajrating. Shuningdek, shoxchalarini ham ajrating. Hohishingizga ko'ra danaklari bilan muzlatishingiz ham mumkin. Qulupnay mevasini butunligicha, gilosni esa danaklaridan ajratganingiz ma'qul.
3. Mevalarni idishlarga joylang
Maxsus muzlatish idishi yoki qolipga pergament qog'ozi yozing. Mevalarni bir qavat qilib terib chiqing. Mevalar bir-biriga yopishib, o'z hajmini yo'qotmasligi uchun iloji boricha ularni bir qatorda terib chiqgandek soling.
4. Mevalarni muzlating
Meva solingan idishlarni muzxonaga joylash uchun muzxonadan joy ajrating. Mevalarni 4 soatga muzlatgichga joylang. Shuningdek, tundan-tonggacha bo'lgan vaqtga qoldirishingiz ham mumkin.
5. Mevalarni oziq-ovqat paketi yoki konteynerlarga joylang
Mevalarni muzlatgichdan oling, pergament qog'ozi chetlarini ko'taring. Oshxona lopatkasi yordamida oziq-ovqat paketi yoki konteynerga soling. Bu bosqichni aslo qo'lingizda bajara ko'rmang. Muzlagan mevalar qo'lga yopishib qolishi mumkin. Mevalarni 3 oygacha muzlatgich muzxonasida saqlashingiz mumkin.