Noan'anaviy usulda tayyorlangan murabbo amerika xalqining sevimli murabbolaridan biridir. Siz ushbu murabboni hohlagan vaqtingizda tayyorlashingiz mumkin. Biroq, extiyot bo'ling! Ushbu murabboga juda ham o'rganib qolishingiz mumkin. Tez-tez tayyorlashga odatlanasiz. Sinab ko'rishdan aslo qo'rqmang! Bu juda ham mazali!
Kerakli masalliqlar:
5 dona banan (650 gr tozalangan)
850 gramm ananas konservasi
25 gramm kokos struchkasi
25 gramm limon sharbati (1-2 dona limon)
320 gramm shakar
Tayyorlash usuli:
1. Banan mevasini tozalang va kesib chiqing.
2. Ananas konservasini oching, bo'laklarga bo'ling. Sharbati bilan birga kastryulkaga soling.
3. Kokos struchkasini o'lchab oling.
4. Ananas konservasining shirinligi har xil bo'ladi. Shu bois avvaliga 320 gramm shakar soling. So'ng, ta'bga ko'ra qo'shishingiz mumkin.
5. Limon mevasidan sharbatini ajrating.
6. Tayyorlangan barcha masalliqlarni kastryulkada jamlang.
7. Aralashtirgan holda qaynash darajasiga olib boring. Olovni pasaytiring, 10 daqiqa davomida past olovda qaynating. So'ng, blender yordamida, bir xil massa hosil bo'lgunga qadar aralashtiring. Quyuq holga kelgunga qadar yana qaynating.
8. Tayyor murabboni sterillangan bankalarga quying. Xona haroratida butunlay sovuting. So'ng, muzlatgichda saqlang.
Yoqimli ishtaxa!