Etiboringizga yengil, oshqozonga og'ir botmaydigan taom retseptini taqdim etamiz. Ushbu taom har qanday dasturxonda o'zining yorqin o'rnini egallaydi. Dasturxon davrasida barcha uchun ma'qul bo'ladi. Taomnomangizdan o'rin olishi turgan gap.
Kerakli masalliqlar:
- 400-500 gramm tovuq go'shti (filesi)
- 3-5 dona kartoshka
- 1 dona piyoz
- 1-2 dona sabzi
- 50-70 gramm spagetti uchun makaron
- 1-2 dona lavr bargi
- 1/2 bog' ukrop
- 2 osh qoshiq o'simlik yog'i
- Ta'bga ko'ra tuz va murch
Tayyorlash usuli:
1. Tovuq go'shtini yuving va quriting. 1 litr suv quyilgan kastryulkaga soling, qaynash darajasiga olib boring. Birinchi qaynatilgan, ko'pikli bulyonni to'kib tashlang, go'shtni yuving. Qaytadan kastryulkaga soling, 1,6-1,7 litr suv quyib qaynating. 15 daqiqa qopqoq ostida, har qanday ziravorlarsiz qaynating.
2. Tozalangan piyozni to'rtburchak shaklida to'rg'ang. Sabzini esa yupqa, yumaloq shaklda to'rg'ang. Qizdirilgan yog'da, o'rta olovda sabzavotlarni qovuring. Qovurib solingan sabzavotlar taom ta'miga o'zgacha hushta'mlik beradi.
3. Kartoshka sabzavotini uzunligi bo'ylab uzun bo'laklarga yoki to'rtburchak shaklda to'rg'ang. Bu yog'i uy bekasiga bog'liq. Qaynayotgan bulyonga kartoshka, tuzdan tashqari barcha ziravorlarni soling, 10-15 daqiqa qaynating. Ushbu taomga selderey, petrushka, rozmarin kabi ziravorlardan foydalanilsa yanada hushta'mlik bag'ishlaydi.
4. Kartoshka yumshaganligini tekshiring, qovurilgan sabzavotlarni soling, ta'bga ko'ra tuz soling.
5. Makaronni 2-3 bo'lakka bo'ling, bulyonga soling. Aralashtiring, makaronlar bir-biriga yopishib qolmasligi kerak. 5 daqiqa past olovda qaynating.
6. So'ng, olovdan oling va maydalangan ko'katni soling. Ko'kat turini hohishingizga ko'ra tanlashingiz mumkin. Achchiq ta'mli taomlarni hush ko'ruvchilar qalampir va sarimsoq bo'lagidan solishingiz mumkin.
7. Tayyor taomni issiqligida suzing va dasturxonga torting. Makaron-tovuqli sho'rva tayyor!
Yoqimli ishtaxa!