Ko'rinishi ishtaxa ocharligi bilan birga mazasi ham juda mazali. Har qanday dasturxondan o'zining yorqin o'rnini egallab, barcha uchun ma'qul bo'luvchi vatrushka. Hattoki tvorog mahsulotini hushlamaydigan kishilar uchun ham ma'qul keladi. Bolajonlar esa miriqib tanovvul qilishlari turgan gap.
Kerakli masalliqlar:
- 500 gramm tvorog
- 3+3 dona tuxum (xamir va asos uchun)
- 200 gramm smetana
- 150+100 gramm shakar (xamir va asos uchun)
- 160 gramm un
- 4 choy qoshiq kakao kukuni
- 50 gramm saryog'
- 1/2 choy qoshiq ichimlik sodasi, bir chimdim tuz
- 30 gramm manniy yormasi
- 1 choy qoshiq vanilin
Tayyorlash usuli:
1. Birinchi navbatda xamirni tayyorlang. Buning uchun: 3 dona tuxum, shakar, bir chimdim tuzni birlashtiring. Aralashtiring.
2. Smetana va yumshatilgan saryog'ni soling va aralashtiring.
3. Smetanali massaga un, ichimlik sodasi va kakao kukuni birlashmasini soling. Quyuq, smetana kabi massa xamir qoring.
4. Bu bosqichda asosni tayyorlang. Tvorogni sanchqi yordamida ezing va 3 dona tuxumni soling.
5. Shakar, vanilin, manniy yormasini soling. So'ng, birlashtirilgan masalliqlarni blender yordamida, bir xil massa hosil bo'lgunga qadar aralashtiring.
6. pishirish qolipiga folga yoki pergament qog'ozi yozing. So'ng, avval shokoladli xamirni soling. Shokoladli xamirning o'rta qismiga esa tvorogli xamirni soling.
7. Xamir solingan qolipni sovuq pechga joylang. 180 darajada qizdirishga yoqing, 40-45 daqiqa davomida pishiring. Belgilangan vaqt o'tib, tayyor vatrushkani extiyotkorlik bilan qolipdan oling va oshxona panjarasida sovuting.
8. Vatrushka tayyor! Vatrushkani dasturxonga tortishdan avval hohishingizga ko'ra bezating. Ushbu retseptda malina mevasi va yalpiz shoxchalari, bodom slaysi bilan bezatilgan.
Yoqimli ishtaxa!