Juda mazali, tuxumli lapshalarni uy sharoitida tayyorlash juda oson bo’lib, asosiysi bunga xohish bo’lsa bas, kerakli masalliqlar esa hammaning ro’zg’oridan topilishi aniq. Agarda siz hali birinchi bor tayyorlayotgan bo’lsangiz ham, xavotir olmang, albatta uddalaysiz. Bizning ko’rsatmalarga yaxshilab ahamiyat bering va yangicha taom tayyorlang, ko’rasiz oila a’zolaringiz bundan juda quvonishadi.
Kerakli masalliqlar:
- 300 gramm un
- 200 ml suv
- 2 dona tuxum
- tuz
Tayyorlash usuli:
1. Chuqur tog'orachada qaynatib, sovutilgan suv va tuxumni birlashtiring. Tuz soling, aralashtiring. Oz-oz qismdan unni solib, o'rta qattiqlikda xamir qoring. Zuvala qilingan xamirni 30 daqiqaga oshxona sochig'i ostida qoldiring.
2. Un sepilgan stol ustida, zuvala qilingan xamirni yoyishni boshlang. Natijada 4-5 mm qalinlikda yoyilgan xamir hosil bo'lishi lozim. Xamirni extiyotkorlik bilan yoyish anjomiga o'rang. So'ng, 3-4 qavatga buklang, yupqa bo'laklarga bo'ling.
3. Kesilgan lapshaga un seping va 15 daqiqaga qoldiring.
4. Kesilgan xamir bo'laklarini bir uzunlikda taxlang.
5. Tayyor lapshani tuz solib, qaynayotgan suvda, butunlay tayyor bo'lgunga qadar pishiring. Pishirilgan lapshani idishga joylab, muzlatgich muzxonasida saqlashingiz mumkin. Vaqtingiz ziq bo'lganda sizga juda ham asqotadi.
6. Shuningdek, lapsha solingan sho'rva tayyorlashingiz ham mumkin.
7. Lapshani bir tekisda, uzunligi bo'ylab yoying va bir necha soatga qoldiring. Lapsha qurigandan so'ng, yig'ib olib qo'yishingiz mumkin.