Fritata - Ispancha usulda tayyorlangan omlet bo'lib, mazali bo'lish bilan birga sevib iste'mol qilinadigan taom. O'zining mazali ta'mi bilan pitsani eslab yuborishi rost. Dasturxondan o'zining yorqin o'rnini egallash bilan birga dasturxon davrasida barchaga ma'qul bo'ladi. Tez tayyorlanadigan mazali omletni albatta tayyorlang!
Kerakli masalliqlar:
3 dona kartoshka
1 dona piyoz
1 dona bulg'or qalampiri
4 dona tuxum
100 gramm dudlangan go'sht yoki kolbasa
30 gramm pishloq
Ta'bga ko'ra tuz va murch
Tayyorlash usuli:
1. Piyozni halqa hajmida to'rg'ang. Qizdirilgan o'simlik yog'ida qovuring.
2. Bulg'or qalampirini mayda to'rtburchak shaklda to'rg'ang va qovurilayotgan piyoz bilan birlashtiring.
3. 5 daqiqa davomida dimlang.
4. Suvda pishirilgan kartoshkani tozalang va to'rtburchak shaklda to'rg'ang.
5. Dudlangan go'shtni ham mayda to'rg'ang.
6. Piyoz va bulg'or qalampiriga kartoshkani soling va tilla tusga kirgunga qadar qovuring. Tuz va murch seping.
7. Bir idishda tuxum va dudlangan go'shtni birlashtiring.
8. Pishirish qolipiga qovurilgan sabzavotlarni soling.
9. Tuxumli massani quying. 180-200 darajada qizdirilgan pechda 10-13 daqiqa davomida pishiring.
10. So'ng, qirg'ichdan chiqarilgan pishloqni seping.
11. Tayyor va mazali taomni dasturxonga torting.
Yoqimli ishtaxa!
