Brusnika o'rmon mevasi foydali va o'ziga xos yoqimli ta'mga ega mevadir. Ushbu usulda tayyorlangan murabbo juda ham mazali. Barcha foydali vitaminlarni va elementlarni o'zida to'laqonli saqlab qoladi. Tez tayyorlanadi va juda ham mazali va hushbo'y. Qishning sovuq kunlarida issiq choy bilan miriqib tanovvul qilinadigan murabbodir.
Kerakli masalliqlar:
1 kg brusnika o'rmon mevasi
500-700 gramm shakar
Tayyorlash usuli:
1. Brusnika mevasini tozalang va yuving. Ortiqcha suvi ajralishi uchun sitoga soling.
2. So'ng, mevalarni go'sht qiymalagich yoki blender yordamida pyurelang. Hohishingizga ko'ra butunligicha qoldirishingiz ham mumkin.
3. Tayyorlangan meva pyuresi yoki mevalarga shakarni seping. Shakar butunlay erishi uchun tundan tongga qadar qoldiring. Vaqti-vaqti bilan aralashtirib turish yodingizdan chiqmasin!
4. Belgilangan vaqt o'tib, pyurelangan mevani sterillangan bankalarga soling va qopqoq bilan yoping.
5. Tayyorlangan murabboni sovuq joyda saqlang. Shuningdek, muzlatgichda saqlashingiz ham mumkin.
6. Shuning bilan mazali murabbo tayyor!
Yoqimli ishtaxa!