E'tiboringizga noan'anaviy va mazali gazak retseptini taqdim etamiz. Oddiy va tez tayyorlanadigan ushbu gazakni shuningdek quyuq taomlarga qo'shimcha sifatida tayyorlashingiz ham mumkin. Ajoyib gazak har qanday dasturxondan o'zining yorqin o'rnini egallash bilan birga dasturxon davrasida barcha uchun ma'qul bo'ladi.
Kerakli masalliqlar:
10 dona tuxum
300 gramm shampinon
100 gramm pishloq
10 gramm ko'k piyoz
200 gramm mayonez
1 dona piyoz
Ta'bga ko'ra tuz va ziravorlar
Tayyorlash usuli:
1. Asosni tayyorlashni boshlashdan avval tuxumni qaynatishga qo'ying. Qaynatilgan tuxumni sovuq suvga soling.
2. Mayda to'rg'algan shampinonni tovada qizdirilgan yog'da qovuring. Maydalangan piyozni soling, tuz seping va o'rta olovda qovurishda davom eting. Biroq, aralashtirib turishni unutmang!
3. To'rg'algan ko'k piyozni soling va masalliqlar butunlay tayyor bo'lgunga qadar tayyorlang. Olovdan oling va sovuting.
4. Pishloqni qirg'ichdan chiqaring va maydalangan sarimsoq, bir qism mayonez qo'shib, aralashtiring.
5. Tuxumlarni tozalang, o'rtasidan ikki qismga bo'ling. Tuxum sariqlarini extiyotkorlik bilan ajrating va qirg'ichning katta tomonidan chiqaring. Tuxum sariqlarig'i, qo'ziqorinli, pishloqli massani birlashtiring va yaxshilab aralashtiring. Blender yordamida aralashtirishingiz ham mumkin.
6. Tuxum oqlarining bo'sh qismini tayyorlangan asos bilan to'ldiring. Ta'bga ko'ra gazakni ko'kat bilan bezating. Mazali va nozik gazakni darhol dasturxonga torting.
Yoqimli ishtaxa!
