Noan'anaviy bo'lish bilan birga ishtaxa ochar va mazali desert. Taomnoma uchun chinakam yangilik! Dasturxondan o'zining yorqin o'rnini egallash bilan birga dasturxon davrasida barchani hayratga soluvchi desert. Tayyorlanishi hech qanday qiyinchilik tug'dirmaydi.
Kerakli masalliqlar:
1/4 ananas
15 gramm shakar kukuni
30 gramm qulupnay
2 gramm yalpiz
Tayyorlash usuli:
1. Ananasning 1/4 qismini qattiq qismini qoldirib, yumshoq qismini extiyotkorlik bilan kesib oling.
2. Natijada savatcha kabi shakl hosil bo'ladi.
3. Ananasning kesib olingan qismini qaytadan joylang va grilda qovuring. Bordiyu grilda tayyorlashning imkoni bo'lmasa, u holda gril tovasidan foydalanishingiz ham mumkin.
4. So'ng, extiyotkorlik bilan kesib olingan qismni ajarating va bo'laklarga bo'ling.
5. Kesilgan bo'laklarni narvon shaklida tering va shakar kukuni bilan seping.
6. Ananas bo'laklarini qaytadan o'z o'rniga terib chiqing, qulupnay va yalpiz bargi bilan bezating. Shakar kukuni bilan seping. Darhol dasturxonga torting.
Yoqimli ishtaxa!