Yengil va juda ham mazali! Tez tayyorlanishiga qaramay, hech qanday qiyinchilik ham tug'dirmaydi. 3 turda foydalanilgan pishloq bir-biri bilan kirishib, chinakam lazzatlanish baxtini ulashadigan ta'mni yuzaga keltirib chiqaradi. Hushbo'y isi xonadoningizni egallashi bilanoq barcha yaqinlaringiz dasturxon davrasiga jam bo'ladi.
Kerakli masalliqlar:
3 dona lazanya uchun pasta
80 gramm parmezan pishlog'i
125 gramm mosarella pishlog'i
120 gramm rikotta pishlog'i
3 osh qoshiq qaymoq
300 gramm o'z sharbatida tayyorlangan pomidor tomati
200 gramm cherri pomidori
200 gramm ismaloq ko'kati
60 gramm piyoz
20 gramm sarimsoq
1 choy qoshiq quritilgan ko'katlar jamlamasi
20 ml zaytun yog'i
Ta'bga ko'ra tuz
Tayyorlash usuli:
1. Tozalangan piyoz va sarimsoqni maydalab, to'rg'ang. Zaytun yog'ini chuqur tova yoki kastryulkada, o'rta olovda qizdiring. Quritilgan ko'katlar jamlamasi, piyoz, sarimsoqni soling, aralashtiring. Piyoz yumshoq va yaltiroq tusga kirishi bilanoq to'rg'algan ismaloq va pomidor tomatini soling. Past olovda 10 daqiqa davomida dimlang. Shuningdek, qizil sous tayyor!
2. Rikotta pishlog'ini qaymoq bilan aralashtiring. Mosarella pishlog'ini esa sanchqi yordamida ezing. Parmezan pishlog'ini qirg'ichning kichik tomonidan chiqaring. Parmezan pishlog'idan bir qism olib qo'ying. Rikotta pishlog'iga qolgan pishloqlarni birlashtiring. Bu vaqt mobaynida pechni 200 darajaga qizdirishga qo'ying.
3. Pishirish qolipiga lazanya pastasini soling, qizil sousning bir qismini, so'ng lazanya pastasi, bir qism pishloqli sousdan soling. Muximi lazanya pastasi sous bilan butunlay qoplanishi lozim. Shu ketma-ketlikni bir necha qatorda takrorlang. Qoldirilgan parmezan pishlog'ini eng ustki qismiga seping va 20 daqiqa davomida pishiring.
4. Belgilangan vaqt o'tib, mazali va nozik lazanyani pomidor cherri va rayhon bargi bilan bezating. Dasturxonga torting.
Yoqimli ishtaxa!