Ustki qismi qarsildoq, ichi yumshoq bulochkalar dasturxon davrasida hech kimning e'tiboridan chetda qolmasligi turgan gap. Tayyorlanishi hech qanday qiyinchilik tug'dirmaydi. Hushbo'y isi xonadoningizga taralishi bilanoq, dasturxonga tortishga ulgurmasingizdan ushbu bulochkalar birzumda yo'q bo'lib qoladi.
Kerakli masalliqlar:
Xamirni ko'pirtirish uchun:
125 ml sut (issiq)
16 gramm xamirturush
1 choy qoshiq shakar
2 osh qoshiq un
Xamir uchun:
Xamirni ko'pirtirish uchun tayyorlangan massa
50 gramm eritilgan saryog'
3 dona tuxum sarig'i
70 gramm shakar
10 gramm vanilin shakari
0,5 choy qoshiq tuz
250 gramm un
Tayyorlash usuli:
1. Birinchi navbatda xamirni ko'pirtirish uchun ko'rsatilgan masalliqlarni birlashtiring. Aralashtiring, hajmi 2 marotabagacha ko'paygunga qadar issiq joyga olib qo'ying.
2. So'ng, tayyor massaga saryog', shakar bilan biroz ko'pirtirilgan tuxum sariqlari, vanilin shakari va tuzni solib, yaxshilab aralashtiring.
3. Unni soling va yumshoq xamir qoring. Xamirni 1 soatga hajmi ko'tarilishi uchun olib qo'ying. Hajmi ko'tarilgan xamirni yana bir marotaba mushtlab, qaytadan hajmi ko'tarilishi uchun qoldiring.
4. Tayyor xamirni teng hajmda bir necha bo'laklarga bo'ling. Ushbu retseptda 600 gramm xamir tayyorlanib, 50 grammdan, 12 ta bo'lak chiqarilgan.
5. Xamir bo'laklaridan zuvalachalar qiling. Pishirish qolipiga unchalik zich qilmasdan xamir bo'laklarini terib chiqing. Xamir bo'laklarini bir necha daqiqaga hajmi ko'tarilishi uchun qoldiring.
6. Bulochkalarning ustini 2 osh qoshiq sut qo'shilgan tuxum bilan surting. Sepish uchun tayyorlangan massa bilan sepib chiqing.
7. Bulochkalar ustiga sepish uchun: 2 osh qoshiq saryog'ni 3 osh qoshiq un, 2 osh qoshiq shakar bilan birlashtiring. Qo'lingizda birlashtirilgan masalliqlarni ushoqlang.
8. 180 darajada qizdirilgan pechda 20-25 daqiqa davomida pishiring.
Yoqimli ishtaxa!