Dasturxoningizda ishtaxa ochar va mazali taomlar bo'lishini hohlaysizmi? U holda e'tiboringizga nozik va mazali salat retseptini taqdim etamiz. Tayyorlanishi oddiy, natijasi esa lol qoldiradigan salatni albatta tayyorlang!
Kerakli masalliqlar:
200 gramm qattiq pishloq turi
1 dona olma
100 ml qaymoq
10 gramm un
10 ml zaytun yog'i
1 choy qoshiq tuz
2 dona sarimsoq tishchasi
Mayoran quritilgan ziravori
Tayyorlash usuli:
1. Birinchi navbatda pishloqli savatchani tayyorlashga kirishing. Pishloqning yarmini qirg'ichning katta tomonidan chiqaring. Tovaga soling, qizdirishga qo'ying. Pishloqni erib, blinchik holiga kelgunga qadar qovuring. Bu jarayon taxminan 3-5 daqiqani o'z ichiga oladi.
2. So'ng, extiyotkorlik bilan oshxona lopatkasi yordamida pishloqli blinchikni stakan yoki katta bo'lmagan chuqur idish ustiga yoping. Chetlarini qistiring va butunlay sovutishga qoldiring.
3. Bu bosqichda salat uchun sousni tayyorlang. Buning uchun: Qaymoqni o'zingiz uchun qulay bo'lgan idishga quying. Sarimsoqni mayda-mayda qilib to'rg'ang, mayoran ziravori bilan birga qaymoq bilan aralashtiring. Qaymoqli massani olovga qo'ying. Bu vaqt mobaynida un va zaytun yog'ini bir xil massa hosil bo'lgunga qadar aralashtiring. Qaymoqli massa qaynashni boshlashi bilan unli massani oz-ozdan solib, quyuqlashgunga qadar, har doim aralashtirgan holda sousni tayyorlang.
4. Olma va qolgan pishloq qismini to'rtburchak shaklda to'rg'ang. Ikkinchi sarimsoq tishini maydalab to'rg'ang. Tuz soling va tayyorlangan sousdan quyib, aralashtiring.
5. Tayyorlangan savatchaga salatni soling. Qirg'ichdan chiqarilgan pishloq va petrushka ko'kati bilan bezating. Dasturxonga torting.
Yoqimli ishtaxa!