Ertalabki nonushta dasturxonidan sharafli o'rin egallaydigan taom. Barcha yaqinlaringiz uchun ma'qul bo'luvchi nonushta. Hushbo'y isi xonadoningizga tarqalishi bilanoq uyqudan uyg'ona olmayotgan yaqinlaringiz birzumda dasturxon davrasiga jam bo'lishlari turgan gap.
Kerakli masalliqlar:
Xamir uchun:
3 stakan un
2 dona tuxum
1/2 stakan sovuq suv
1/4 stakan sut
1/2 choy qoshiq tuz
Asosiga:
675 gramm hohishingizga ko'ra meva
Sous uchun:
1,5 stakan o'rmon mevalari jamlanmasi
1 osh qoshiq limon sharbati
4-5 osh qoshiq shakar
Qo'shimcha:
2-3 osh qoshiq saryog'
shakar kukuni
Tayyorlash usuli:
1. Agarda siz muzlatilgan mevalardan foydalansangiz eritishga olib qo'ying. So'ng, ta'bga ko'ra shakar bilan aralashtiring.
2. Bu bosqichda sousni tayyorlang. Buning uchun ko'rsatilgan masalliqlarni kastryulkada birlashtiring. Doim aralashtirgan holda shakar butunlay erigunga qadar olovga qo'ying. Shakar erigandan so'ng, 1-2 daqiqa davomida, past olovda qaynating. Sovutishga olib qo'ying.
3. Xamirni tayyorlashga kirishing. Tuxumni tuz va sut bilan birlashtirib, ko'pirtiring. Katta tog'orachada tuxumli massa, un va suvni birlashtirib, yumshor va cho'ziluvchan xamir qoring.
4. Xamirni 3-4 qismga bo'ling. Har bir xamir qismini 0,5 sm qalinlikda yoying.
5. Stakan yordamida yumaloq shakllar kesib oling. Har bir yumaloq shaklga 3-4 donadan meva soling, extiyotkorlik bilan chetlarini yopishtiring. Un sepilgan oshxona taxtasiga tering va oshxona sochig'i bilan yoping. Qolgan masalliqlar bilan ham shu holni takrorlang. Kastryulkada suv qaynating va tuz soling.
6. Qaynagan suvga extiyotkorlik bilan varenikilarni soling. Oshxona lopatkasi yordamida aralashtiring. 2-3 daqiqa davomida, varenikilar mustaqil ravishda suv ustiga suzib chiqgunga qadar pishiring. So'ng, tayyor varenikilarni suzib oling va saryog' bilan aralashtiring.
7. Mazali nonushta tayyor! Tayyorlangan sous va smetana bilan dasturxonga torting.
Yoqimli ishtaxa!
Ushbu usulda tayyorlangan varenikilarni oldindan tayyorlab, pishirishdan avval muzlatgich muzxonasiga olib qo'ysangiz vaqtingiz tig'izligida sizni qo'llashi turgan gap.