Nozik va juda ham mazali! Tayyorlanishi oddiy bo'lgan mazali desert dasturxon davrasida hech kimning e'tiboridan chetda qolmaydi. Tayyorlagan vaqtingizda esa hushbo'y isi xonadoningizni egallab, barchani dasturxon davrasiga chorlaydi.
Kerakli masalliqlar:
4 dona ko'k olma
140 gramm filadelfiya pishlog'i
40 gramm shakar
1 choy qoshiq vanilin ekstrakti yoki vanilin shakari
0,5 dona tuxum
1 choy qoshiq dolchin (koritsa)
3-4 bo'lak oson ushoqlanuvchi pechenya
Ta'bga ko'ra yong'oq
Tayyorlash usuli:
1. Olmalarni yuving, ustki qismini kesing.
2. Ichki qismidan aylanasiga kesiq qiling.
3. Qoshiq yordamida olmaning ichki qismini bo'shating. Natijada olma stakani hosil bo'lishi lozim. Bu jarayonni extiyotkorlik bilan bajaring.
4. Tog'orachada tvorogli pishloq va shakarni ko'pirtiring. Vanilin ekstrakti, tuxum, dolchinni soling va bir xil silliq konsistensiya darajasigacha ko'pirtiring.
5. Har bir olmaning ichki 2/3 qismini tayyorlangan asos bilan to'ldiring. Pergament yozilgan pishirish qolipiga olmalarni tering. E'tiborli bo'ling olmalar bir-biriniga tegishmaligi lozim. 180 darajada qizdirilgan pechda 25-30 daqiqa davomida pishiring. Olma ichidagi asos olmalar qirg'og'igacha ko'tarilishi lozim.
6. Tayyorlangan desertni xona haroratida sovuting. Desertning ustki qismini ushoqlangan pechenya va maydalangan yong'oq bilan sepib, bezating. Desertni darhol dasturxonga torting.
Yoqimli ishtaxa!