Pekin karamidan tayyorlangan golupsi juda ham nozik va mazali tayyorlanadi. Har qanday dasturxondan o'zining yorqin o'rnini egallash bilan birga dasturxon davrasida barcha uchun manzur bo'ladi.
Kerakli masalliqlar:
300 gramm mol go'shti qiymasi
5-6 dona pekin karami bargi
0,5 bog' ko'k piyoz
5 sm zanjabil (imbir)
1 choy qoshiq soya sousi
1 choy qoshiq kunjut yoki zaytun yog'i
Ta'bga ko'ra tuz va ziravorlar
Tayyorlash usuli:
1. Zanjabilni tozalang va mayda to'rg'ang.
2. Tog'orachada zanjabil, soya sousi, kunjut yog'i, tuz, ziravorlar va go'sht qiymasini birlashtiring.
3. Mayda to'rg'algan ko'k piyozni soling, aralashtiring.
4. Tayyorlangan qiymani 20-30 daqiqaga, karam bargini tayyorlagunga qadar qoldiring.
5. Katta kastryulkada suvni qaynating va tuz soling. Qaynagan suvda karam barglarini 1 daqiqa davomida qaynating. Yumshagunga qadar.
6. Karam barglarini sovuq suvga soling. So'ng, olib quriting. Bargning qattiq qismini kesib oling.
7. Har bir karam bargiga 1 osh qoshiqdan qiyma solib. o'rang.
8. Tayyor golupsilarni yog' surtilgan manti qasqonga terib, yoki kastryulkada bulyon bilan pishirishingiz mumkin. Tayyor golupsilarni smetana yoki soya sousi bilan dasturxonga torting.
Yoqimli ishtaxa!