Achma — bu qatlama xamir va tuzli pishloq solib tayyorlaniladigan eng mazali gruzincha taomlardan biri hisoblanadi. Odatda uni bayram yoki tadbirlarda kattaroq hajmda tayyorlashadi. Bunday pirogdan bir marotaba ta’tib ko’rib, uning ta’mini ancha vaqtgacha unuta olmaysiz.
Kerakli masalliqlar:
Xamir uchun:
400 gramm un
2 ta tuxum
100 millilitr suv
1/4 choy qoshiq tuz
20 millilitr o'simlik yog'i
Asosiga:
80 gramm sariyog'
450 gramm "suluguni" pishlog'i
Tayyorlash usuli:
1. Tog'orachaga un, tuz, tuxumni solamiz. Ustidan iliq suv va o'simlik yog'ini quyib, xamir qorib olamiz. Xamirni 5 daqiqa yaxshilab mushtlaymiz. Xamir zuvalasini 30 daqiqa tindirib qo'yamiz.
⠀
2. Qozonga suv va tuz solib, qaynatib olamiz. Bu suvda xamirlarni qaynatib olamiz. Pishloqni qirg'ichdan chiqarib olamiz. Sariyog'ni eritib, qolipni yaxshilab yog'laymiz.
⠀
3. Xamirni yettita bo'lakka bo'lamiz. Ularning bittasi boshqalariga nisbatan sal kattaroq bo'lsin. Xamirning katta bo'lagini yupqa qilib yoyamiz. Bunda xamir chetlari qolipdan anchagina osilib turishi lozim.
⠀
4. Xamir bo'laklarini hammasini yoyib, bitta-bittadan qaynagan suvga solamiz va 1 daqiqadan qaynatib, darhol sovuq suv solingan tog'orachaga solamiz. So'ng, to'rli suzgich yordamida xamirlarni suvini oqizib yuboramiz.
⠀
5. Kattaroq xamir bo'lagini qolipga to'shab, ustidan sariyog' surtamiz va pishloqning 1/6 qismini solamiz. Qolgan xamir bo'laklari bilan ham xuddi shu jarayonni bajaramiz. Xamirlarni ustma-ust to'lqinsimon ko'rinishda yopamiz. Eng pastdagi xamir bilan ustini yetgunicha yopib, sariyog' surtamiz.
⠀
6. 170 C darajada qizigan pechda 40 daqiqa davomida pishirib olamiz.
⠀
Yoqimli ishtaha!
