Fransiyaning maxsus taom retsepti bilan tanishib oling! Fransuz taomlari bejizga dunyo bo’yicha sevib tanovvul qilinmaydi. Chunki hatto piyozdan qilingan taom ham juda tansiq ta’mda chiqadi. Ushbu taom o'zining nozikligi bilan dasturxon davrasida barcha uchun ma'qul bo'ladi.
Kerakli masalliqlar:
1 kg oq rangli piyoz
60 gramm sariyog'
6 ta shoxcha timyan
200 gramm qirilgan qattiq pishloq
1 dona baget noni
1 litr bulyon
ta'bga qarab tuz va murch
Tayyorlash usuli:
1. Piyozlarni po'stini archib, har birini avval to'rtga bo'lamiz. So'ng, yupqa qilib to'rg'aymiz.
⠀
2. Qozonga sariyog'ni solib eritamiz. To'rg'algan piyozlarni solib, qizargunicha qovurib olamiz. Bunda unchalik ko'p kovlab turmaymiz.
⠀
3. Piyoz qovurilgandan so'ng ustidan 250 ml bulyon yoki suv quyib, timyan shoxchalarini solamiz, olovni pasaytiramiz va bug'lanib ketguniga qadar qaynatamiz. Qoshiq yordamida tekshiramiz: aralashma quyuq bo'lib, ustida qoshiq izi qolsa, unda yana 250 ml bulyondan quyib, shu jarayonni takrorlaymiz.
⠀
4. So'ng, esa bulyonning qolgan hammasini quyib, biroz quyulgunga qadar qaynatib olamiz. Ungacha bagetlarni to'g'rab, tosterda qovurib olamiz yoki pechda 6 daqiqa pishirib olamiz.
⠀
5. So'ng, issiqqa chidamli kosachalar(ko'za)ga sho'rvani quyamiz, qirilgan pishloqni yarmini solib, 2 bo'lakdan baton nonini qo'yamiz. Qolgan pishloqni ustidan sepib, pishloq erigunga qadar 200 C darajada qizigan pechga qo'yamiz. Tayyor va mazali sho'rvani darxol dasturxonga tortamiz.
Yoqimli ishtaha!