Mayin qatlama xamir va pishloq-pomidorli asosdan tashkil topgan uyg’unlik mazali pirog tayyorlash uchun yetarli sanaladi! Bizlar bunda grekcha feta pishlog’idan ishlatdik va bu pirogga o’zgacha ta’m bag’ishladi. Qolaversa ushbu pirog dasturxon davrasida barchani e'tiborini tortishi turgan gap!
Kerakli masalliqlar:
200 gramm tayyor qavatli xamir
200 gramm pomidor cherry
200 gramm feta pishlog'i
3 ta tuxum
1 osh qoshiq oregano
ta'bga qarab tuz va murch⠀
Tayyorlash usuli:
1. Pomidorlarni ikkiga bo'lib chiqamiz. Tovaga ozroq yog' solib, pomidorlarni biroz yumshagunicha dimlab olamiz. So'ng, sovutib olamiz.
⠀
2. Tog'orachaga tuxum, pomidor va ziravorlarni solib, aralashtiramiz.
⠀
3. Pirog tayyorlanadigan qolipimizga sariyog' surtamiz.
⠀
4. Xamirni yoyib, qolipga olamiz. Sanchiq bilan bir nechta joyini nomiga teshib chiqamiz.
⠀
5. Tuxumli aralashmani xamirning ustidan quyamiz. Ustidan feta pishlog'ini to'g'rab, terib chiqamiz.
⠀
6. Pirogni 180 C darajada qizigan pechda 30 daqiqa davomida pishirib olamiz.
⠀
7. Tayyor va mazali pirogni petrushka ko'kati bilan sepib, dasturxonga tortamiz. Yoqimli ishtaha!
