Kunlar ilishi bilan organizmga yengilroq va mayinroq ta’mdagi yeguliklar ko’proq xush yoqadi. Ana shunday pishiriqlardan biri bu albatta olchali pirogdir. Shirin-nordon ta’mli asos va shakarsiz xamirning uyg’unligidan hosil bo’lgan ta’m sizni ham befarq qoldirmaydi!
Kerakli masalliqlar:
200 gramm margarin yoki sariyog'
400 gramm un
100 millilitr kefir
1/2 choy qoshiq iste'mol sodasi
bir chimdim tuz
Asosiga:
400 gramm danagidan tozalangan muzlatilgan olcha
50-100 gramm shakar
1-2 choy qoshiq kraxmal
sepish uchun shakar upasi
Tayyorlash usuli:
1. Un bilan tuzni aralashtirib olamiz. Ustidan sariyog'ni qirg'ichdan chiqarib solamiz. Qo'lda yaxshilab ishqalab maydalaymiz.
⠀
2. Smetanani qabartma bilan aralashtirib olamiz.
⠀
3. So'ng, unli aralashma ustidan quyamiz va aralashtirib, xamir qorib olamiz.
⠀
4. Asosini tayyorlab olamiz: olcha, kraxmal va shakarni birlashtirib, aralashtirib olamiz.
⠀
5. Xamirni teng ikkiga bo'lamiz.
⠀
6. Birinchi yarmini 13*40 sm kattalikda to'rtburchak shaklda yoyib olamiz, qalinligi 3 mm bo'lsin. Xamirni uzunasiga ko'ndalangiga yana teng ikkiga bo'lamiz.
⠀
7. Uzun qilib olchalarni terib chiqamiz va xamirni ikkiga buklab, chetlarini yaxshilab yopishtirib chiqamiz.
⠀
8. Ikkinchi xamir bilan ham shunda ish tutamiz.
⠀
9. Aylanasi 22 sm li qolipga pergament qog'oz to'shaymiz va chetlariga sariyog' surtib chiqamiz.
⠀
10. Xamirlarni qolipga spiralsimon ko'rinishda taxlab chiqamiz. 190 C darajada qizdirilgan gaz pechida 30 daqiqa davomida pishirib olamiz.
Yoqimli ishtaha!