E'tiboringizga Polsha oshxonasining mashhur taomlaridan birini taqdim etamiz. Ushbu taom Polsha xalqining sevimli taomlaridan biri bo'lib, yengil, parxez taom hisoblanadi. Oddiy masalliqlardan, tez tayyorlanadigan taom sizga va yaqinlaringizga juda ham manzur bo'ladi.
Kerakli masalliqlar:
1 kg kartoshka
2 osh qoshiq un
Bir chimdim tuz
1 dona tuxum
Kartoshka kraxmali (mutanosib ravishda o'lchanadi)
Tayyorlash usuli:
1. Kartoshkani tozalang va bo'laklarga bo'ling. Tuz solingan suvda, butunlay tayyor bo'lgunga qadar pishiring.
2. Pishgan kartoshkani go'sht qiymalagichdan chiqaring.
3. Kartoshkani aloxida katta tog'orachaga soling va 20-25 daqiqa davomida sovuting. Tog'oracha ichidagi kartoshkani 4 qismga bo'lib, tog'orachani 1/4 qismini bo'shating.
4. Tog'orachaning bo'sh qismiga 2 osh qoshiq kraxmal soling. Kraxmal tog'orachaning bo'sh qismini butunlay egallashi lozim.
5. Ozgina ko'pirtirilgan tuxum, tuz solib, bir xil konsistensiyali xamir qoring. Xamirni asta-sekinlik bilan 5-8 daqiqa davomida tayyorlang.
6. Tayyor xamirdan bir qism olib, diametri 2-3 sm hajmda kolbasasimon shakl yoying.
7. Qalinligi 1-1,5 sm bo'lgan bo'laklarga bo'ling. Har bir xamir bo'lagidan sharchalar hosil qiling. Sharchaning o'rta qismiga esa barmog'ingiz bilan bosing.
8. Qolgan xamir qismi bilan ham shu holni takrorlang.
9. Kastryulkada suvni qaynating, tuz soling. Oz-oz qismdan tayyorlangan xamir bo'laklarini pishiring. Taxminan 1 daqiqa davomida, xamir bo'laklari tayyor bo'lgach suv ustiga chiqib qoladi. Tayyor taomni laganga suzib oling.
10. Pishirish jarayonini qovurib tayyorlash ham mumkin. Mazali taomni ko'kat bilan bezating va dasturxonga torting.
Yoqimli ishtaxa!