Tvorogni hushlamaydigan bolajonlar uchun ajoyib tanlov. Nafaqat bolajonlar balki, kattalar uchun ham juda ma'qul bo'ladi. Har qanday dasturxondan o'zining yorqin o'rnini egallaydi. Nozik va mazali ushbu zapekankani yaqinlaringiz uchun tayyorlang!
Kerakli masalliqlar:
500 gramm tvorog
600 gramm qovoq pyuresi (500 gramm asosiga, 100 gr ustki qismi uchun)
190 gramm shakar (100 gr tvorog uchun+70 gr qovoqga+20gr)
5 dona tuxum (2 ta tvorog+2ta tuxum+1ta ustiga)
2 osh qoshiq kraxmal (1 osh qoshiqdan tvorog va qovoq uchun)
25 gramm mak
1 dona apelsin po'sti
100 gramm smetana
Tayyorlash usullari:
1. Makni 15 daqiqa davomida, past olovda qaynating, suvdan ajaratib, makni quriting. Tvorogni 100 gramm shakar bilan blendrda, bir xil massa holigacha aralashtiring. Tvorog, 2 dona tuxum, 1 osh qoshiq kraxmal va makni birlashtiring.
2. Qovoqni gaz pechida pishiring va qovoq pyuresini tayyorlang. Ortiqcha sharbatini ajratish uchun doka yordamida siqib oling. Qovoq, 70 gramm shakar, maydalangan apelsin po'sti, 2 dona tuxum, 1 osh qoshiq kraxmalni birlashtirib, aralashtiring.
3. Pishirish qolipi pastki qismiga pergament qog'ozi soling. Qolip devorlari va pergament qog'ozini yog' bilan surting va un seping. Tayyorlangan massalardan 1 osh qoshiqdan, pishirish qolipi markazidan, navbatma-navbat solib chiqing.
4. Pishirish qolipini extiyotkorlik bilan silkiting. Solingan massa pishirish qolipi bo'ylab yoyilsin.
5. Zapekankani kesganingizdan so'ng, yanada ishtaxa ochar ko'rinishga ega bo'lishi uchun yog'och tayoqchada naqshlar hosil qiling.170 darajada qizdirilgan gaz pechida 40-50 daqiqa davomida pishiring.
6. Zapekanka ustidan quyish uchun 20 gramm shakar, 1 dona tuxum va 100 gramm qovoq pyuresini birlashtiring. Belgilangan vaqt o'tib, zapekanka ustidan tayyorlangan massani quying va yana 7-10 daqiqa davomida pishiring. Tayyor zapekankani qolipda sovuting.
7. Belgilangan vaqt o'tib, nozik zapekankani dasturxonga torting.
Yoqimli ishtaxa!