E'tiboringizga tvorogli pishloq retseptini taqdim etamiz. Tayyorlangan pishloq sotib olingan kabi nozik va juda ham mazali. Tvorogli pishloq har qanday dasturxonda o'zining yorqin o'rnini egallaydi va barcha uchun ma'qul bo'ladi.
Kerakli masalliqlar:
200 gramm tvorog
200 ml sut
2 dona tuxum
50 gramm saryog'
2 dona tuxum
0,5 choy qoshiq ichimlik sodasi
Ta'bga ko'ra tuz
Tayyorlash usuli:
1. Tvorog va sutni aralashtiring. Yengil qaynash darajasiga olib boring, so'ng past olovda 5 daqiqa davomida qaynating.
2. Natijada sharbatli tvorog kabi massa hosil bo'ladi.
3. Tvorogni ajratib olish uchun sitoda suzib oling. Ajralgan sharbatni pishiriqlar xamiriga solishingiz mumkin.
4. Tvorog va yumshatilgan saryog'ni birlashtiring. Tuxum, ichimlik sodasi va tuzni solib, aralashtiring.
5. Tayyorlangan massani qaynash darajasiga olib boring, past olovda 5-7 daqiqa davomida qaynating. Natijada kastryulka devorlaridan oson ajraladigan massa hosil bo'ladi. Tayyorlangan massani qolipga quying va sovuting.
6. Belgilangan vaqt o'tib, nozik va mazali pishloqni yaqinlaringizga tortiq eting.
Yoqimli ishtaxa!
