1. Dangasalikdan qutulish uchun hech narsa qilmaslik kerak. Jiddiy aytyapman. Xonaning o’rtasiga turib oling va hech narsa qilmang, mutlaqo hech narsa: yemang, ichmang, o’qimang, yotmang, musiqa tinglamang, o’ylamang. 15 minut ham o’tmay, ishga kirishib ketasiz.
2. Hamma gap “5 daqiqa”da!
O’zingizni 5 daqiqagina ish qilishga majbur qiling. Bu kun bo’yi ishlash kerakligi xayoli bilan ishga kirishishdan ko’ra ancha oson. 5 daqiqada har qanday narsaga chidasa bo’ladi. Shu bilan birga, bu muddat ishni boshlab olish uchun ham yetarli. U yog’iga o’zingiz ham o’zingizni to’xtata olmay qolasiz.
3. Ishlarni qismlarga bo’lib oling.
Birdaniga katta ishni qilib bo’lmaydi. Murakkab vazifani qismlarga ajratib olib, navbatma-navbat bajarsangiz – bu ancha oson.
4. Agar chalg‘imoqchi bo‘lsangiz yoki qandaydir yoqimli mashg‘ulot sizni o‘ziga jalb qilsa, avval 10 marta sekin nafas oling va o‘ylab ko‘ring: shunday qilish kerakmikan? Yo‘lning yarmiga kelganda uni tashlab ketish – ahmoqlik. Albatta, yoqimli ish bilan shug‘ullanish yaxshi. Biroq har safar dangasalikka berilar ekansiz, siz va siz istagan natija o‘rtasidagi masofa qisqarmaydi. Hayotdagi katta g‘alabalar mayda xursandchiliklardan muhimroq bo‘lib chiqadi.
5. Mayda-chuydalardan ehtiyot bo’ling!
Biroz tamaddi qilib olish, pochtani tekshirish, bloglarni o’qish, idish yuvish, yangiliklarni ko’rib chiqish – bular hammasi asosiy vazifalardan chalg’itadigan yo’l-yo’lakay ishlar. Ularni bo’sh vaqtda ham tezda qilib olsa bo’ladi.
6. Qaror qabul qildingizmi, o‘zingizga uni bajarishga va’da bering va hech qanday shubha-gumonlarga o‘rin qoldirmang. Irodangizni mustahkamlang, o‘z xohishlaringizni nazorat qiling va dangasalikni yengishni o‘rganing.
7. Erta-sahardan ishga kirishing.
Odamlar “to’rg’ay” (жавронок) va “boyqush” (сова)ga bo’linadi. “Ukki”jonlar, biz ham ertalab kechqurun ishlaganday ishlashimiz mumkin, faqat kun tartibini to’g’ri rejalashtirish kerak. “To’rg’ay”lardan nimamiz kam? Zato kunimiz barakali bo’ladi.
8. O’zingizni taqdirlang.
Har qanday mehnat rag’batlantirilishi kerak. Shuning uchun siz ham ish jarayonida o’zingizni rag’batlantiring. Ishning sezilarli qismini bajardingizmi – bir chashka sevimli qaxvangizdan ichib oling yoki shunchaki 5 daqiqa o’zingizga dam bering (lekin dam olishingiz cho’zilib ketmasin!).
9. Ertaga qoldirmang!
Ertaga – haftaning eng ish ko’p kuni, axir qanchadan-qancha ishlarni ertaga qoldirmadik! Yangi hayot boshlamoqchi bo’lsangiz, hoziroq boshlang. Ertaga boshqa zarurroq ish chiqib qolishi, yoki fikringizdan qaytib qolishingiz mumkin. Agar kech tushib qolgan bo’lsa ham ishingizni boshlayvering, axir boshlangan ishni tugatish yangisini boshlashdan ko’ra osonroq-ku!
10. Kundalik rejimingizni shunday tashkil qilingki, barcha yangi jarayonlar hayotingizda oson va tabiiy kechsin. Navbatdagi dushanbani kutishga hojat yo‘q. Yangi tongni qarshi oling va ishga kirishing!
11. Sezilarli natijaga erishish uchun biroz vaqt va harakat talab qilinishiga o‘zingizni ishontiring. Bunda iroda muhim rol o‘ynaydi: erishish oson bo‘lgan maqsadlar bo‘lmaydi.