Yuz terisi juda nozik teri hisoblanadi va doim e’tibor markazida bo’lgani uchun uning parvarishi va qanday krem qo’llashimiz juda muhim. Terimizning qarish jarayoni individual bo’lishiga qaramay, dermatologlar yuz parvarishi borasida ayollarni yosh jihatidan guruhlarga bo’lishadi va krem tanlashda yuzning ayni holati hisobga olinadi. Demak tanishing:
25-35 yosh: «anti-age» Muammo nima?
- Mimik ajinlar paydo bo’ladi (ayniqsa, teri qavati yupqa bo’lgan sohada va qovoq atrofida).
- yuz terisi rangi xiralashadi.
- teri teshikchalari kattalashadi.
- teri quruqlashadi.
Chorasi: ertalabki yuz terisi parvarishida namlantiruvchi, oziqlantiruvchi va yoshartiruvchi vositalardan foydalaning. Sizga mitsellyar suvi, toniklar va yuz ko’piklari asqotadi. Bundan tashqari yuz terisini SPF vositalari yordamida quyosh nurlaridan saqlash lozim. Kunduzgi krem yorlig’ida «anti-age» belgisi bo’lishi kerak. Bunday kremlar terining suv balansini nazorat qilib, to’qimalar tiklanishiga ko’maklashadi.
35-45 yosh: faol birikmalar zarur. Muammo nima?
- ajinlar chuqurlashadi.
- ko’z ostida sezilarli chuqurcha paydo bo’ladi.
- yuz terisi elastikligini yo’qotib boradi.
Chorasi: bu yoshda enzim, vitaminlar, antioksidantlar va gialuron kislotasi bor kremlar tavsiya etiladi. Ushbu faol birikmalar teri to’qimalari tezroq tiklanishiga yordam beradi. Tungi kremlardan ham foydalanish mumkin. Ertalab yuz hishib qolmasligi uchun kremni uyqiga ketishdan 2 soat oldin surtish kerak. Agar yuz terisi tarangligini yo’qotmagan bo’lsa lifting hususiyatiga ega kremlardan foydalanishga shoshilmang. Chunki bu yoshdan to’qimalarning o’zi terini yangilash va tonusni qaytarish uchun faol harakat qilayotgan bo’ladi.
45-55 yosh: qo’shimcha parvarish. Muammo nima?
- yuz terisi sezilarli darajada elastikligini yo’qotadi, teri tonusi kamayadi.
- chuqur joylashgan ajinlar ko’payadi.
- lab burchaklari pastga tushib qoladi.
- monepauza boshlanganida organizm estrogenni kam ishlab chiqaradi va natijada yuz terisi jozibadorligi kamayib boradi.
Chorasi: kosmetolog bilan maslahatlashgan holda yuz terisiga mos yoshartiruvchi vositalar jamlanmasini tanlash kerak. Ularning tarkibida o’simliklar ekstraktlari, antioksidant va vitaminlar bilan birga peptid, lipasoma, retin, glikol va gialuron kislotalar mavjudligiga ahamiyat bering. Nega deganda, ushbu faol birikmalar bir qancha muammolarni bartaraf etishga qodir. Ular ajinlarga qarshi kurashib, teri tonusini oshiradi, dog’larni yo’q qiladi. Bordiyu yuz terisi osilib qolgan bo’lsa lifting vositalarini qo’llash kerak. Bunday vositalar kollagen tolalari faol ajralib chiqishiga yordam beradi. Bu yoshda yuz terisi uchun qo’shimcha parvarish zarur. Masalan, zardob va turli moylardan foydalanish mumkin.
BIZNING MASLAHATLAR!!! YUZ TERISI PARVARISHIDA DORIXONALARDA sotiladigan quyidagivositalardan ham foydalanish mumkin:
- A, B, D vitaminlari. Kompleks vitaminlarni ham qabul qilish mumkin. Shuningdek dog’ va kuyishga qarshi surtmalardan foydalansa bo’ladi.
- Tbiiy o’simlik ekstraktlari. Masalan aloe, avakado, rozmarin, turnoqgul (kolendula), moychechak, kokos efir moylari yuz terisi parvarishida ayni muddaodir.
- Gialuron kislotasi. U xapdori, kapsula shaklida ham ishlab chiqariladi. Ushbu kislota epidermis qavatini tiklashga ko’maklashuvchi vositalar tarkibidan ham o’rin olgan.
- Rux (sink). U yallig’lanishga qarshi va jarohatlarni tez bitkazuvchi hususiyatga ega. Rux moddasini vitamin – minerallar kompleksi, turli surtmalar tarkibida topish mumkin.