Noan'anaviy va o'ziga hos ajoyib ta'mga ega shirinlik! Shokoladli sous va issiq qaxva bilan tanovvul qilishning ma'qul tanlovi. Ushbu shirinlikni tayyorlang va yaqinlaringizni lol qoldiring!
Kerakli masalliqlar:
Xamir uchun:
200 ml suv
150 gramm un
100 gramm saryog'
1 choy qoshiq tuz
3 dona tuxum
O'simlik yog'i
Shokoladli sous uchun:
200 gramm shokolad
2 osh qoshiq saryog', bir chimdim tuz
1/4 choy qoshiq dolchin (koritsa)
Tuzli karamel uchun:
1 stakan shakar
5 osh qoshiq suv
1 choy qoshiq tuz
1 stakan qaymoq
Tayyorlash usuli:
1. Qaynayotgan suvga saryog'ni soling, so'ng doim aralashtirgan holda un va tuzni solib, xamirni tayyorlang. Sovuting, so'ng bir donadan tuxumni qo'shing.
2. Tayyor xamirni maxsus konditer qopchasiga soling.
3. O'simlik yog'ini qizdiring va xamirdan qizdirilgan yog'ga bo'g'irsoqlar chiqaring. Tilla tusga kirgunga qadar qovuring. Oshxona sochig'iga oling, ortiqcha yog'i ajralishi uchun.
4. Shokoladli sousni tayyorlang. Sutni dolchin va tuz bilan aralashtiring, olovga qo'ying. Qaynash darajasiga olib boring so'ng, olovdan olib, 30 daqiqa davomida qopqoq ostida qoldiring.
5. Sutni yana qaynash darajasiga olib boring. Saryog'ni soling va olovdan oling.Shokoladni soling va bir xil konsistensiya hosil bo'lgunga qadar aralashtiring.
6. Tuzli karamelni tayyorlang. Shakarni suv bilan aralashtiring, olovga qo'ying. Och jigarrang tusga kirgunga qadar, aralashtirmagan holda qaynating. So'ng, qaymoq va tuzni solib, aralashtiring. Butunlay sovuting.
7. Tayyor shirinlikni hohishingizga ko'ra shokoladli sous yoki karamel bilan dasturxonga torting.
Yoqimli ishtaxa!
