Mashhur va barcha uchun sevimli bo'lgan shirinliklardan birini sizga taqdim etamiz. Nozik va yoqimli shirinlik kechki ovqatdan so'ng ajoyib desert o'rnini egallaydi. Tayyorlanish jarayoni esa juda ham oddiy.
Kerakli masalliqlar:
300 gramm pechenya
100 gramm saryog'
2/3 stakan quyultirilgan sut
3 osh qoshiq kakao kukuni
Yong'oq yoki martipan (bezash uchun)
1 osh qoshiq konyak
Tayyorlash usuli:
1. Pechenyani go'sht maydalagich yoki blender yordamida non ushog'i holigacha maydalang.
2. Aloxida idishga quyultirilgan sut, saryog' va kakao kukunini birlashtiring.
3. Birlashtirilgan masalliqlarni shokolad pastasi kabi massa hosil bo'lgunga qadar aralashtiring va konyakni quying.
4. Shokoladli massaga ushoqlangan pechenyani soling va aralashtiring.
5. Massani avvaliga qoshiqda so'ng, esa qo'lingizda yaxshilab aralashtiring.
6. Tayyor massani 8-10 qismga bo'ling. Har bir qismga kartoshka shaklini bering. Shakar kukuni va kakao kukunini birlashtirib, aralashtiring. Kartoshkalarni shu aralashmaga yumalating.
7. Tayyorlangan kartoshka shirinligini 20 daqiqa muzlatgichda saqlang. So'ng, bezating va dasturxonga torting.
Yoqimli ishtaxa!