Chizkeyk deserti hattoki shirinlikni hush ko'rmaydiganlar uchun ham ma'qul desert. E'tiboringizga tez tayyorlanadigan, nozik va mazali chizkeyk retseptini taqdim etamiz. Dasturxon davrasida shirin suhbat va issiq choy bilan tanavvul qilish uchun ajoyib tanlov!
Kerakli masalliqlar:
250 gramm tvorogli pishloq (almette, filadelfiya)
200 gramm nutella
100 gramm shakar
1 choy qoshiq vanilin
500 gramm tez ushoqlanadigan pechenya
100 gramm saryog'
250 gramm qaymoq
50 gramm shokolad
Bezash uchun yalpiz bargi va qulupnoy mevasi (hohishga ko'ra)
Tayyorlash usuli:
1. Saryog'ni eriting. Pechenyani blender yordamida ushoqlang. 20 gramm eritilgan shokolad, yarim banka nutella, saryog', pechenyani birlashtiring. Aralashtiring.
2. Tayyorlangan massani pastki qismi ochiq qolipga, zichlab soling. Ushbu retsept kabi aloxida kichik qoliplarda tayyorlashingiz ham mumkin. Krem tayyorlangunga qadar qoliplarni muzlatgichga qo'ying.
3. Chizkeyk asosini tayyorlashga kirishing. Pishloqni shakar bilan aralashtiring. Qolgan nutella qismini soling. Qaymoqning yarim qismini ko'pirtirib soling. Barcha masalliqlarni blender idishida birlashtiring, o'rta tezlikda aralashtiring.
4. Tayyorlangan massani maxsus konditer qolipiga soling va qolipdagi korj ustiga chiqaring. Ushbu usul bilan desert yanada chiroyli va ishtaxa ochar ko'rinishga ega bo'ladi.
5. Tayyor desertni 1 soatga muzlatgichga qo'ying. Belgilangan vaqt o'tib, chizkeykni yalpiz bargi va qulupnoy mevasi bilan bezating.
6. Nozik va mazali desertni darhol issiq choy yoki qaxva bilan yaqinlaringizga taqdim eting.
Yoqimli ishtaxa!
