Күреп күңел сөенде(ФОТОРЕПОРТАЖ)

16 март көнне Югары Кибәхуҗа мәдәният йортында “Талантлы яшьләр - халкыбыз горурлыгы” халык иҗаты сәнгать фестиваленең чираттагы концерты булып үтте.

Бу юлы мәртәбәле жюри һәм авылдашлары алдында Максабаш, Югары Кибәхуҗа авыллары яшьләре имтихан тотты. Әлеге җирлектә дә талантлы яшьләр барлыгын күреп күңел сөенде.

Алар дигәнем, Максабаштан күркәм дуэт Алинә һәм Илназ Сөнгатуллиннар (җыр), биюче кызлар Илүсә Баһманова белән Азалия Дәүләтшина (бию), Гөлназ Хәйретдиновалар (нәфис сүз, презентация),  Югары Кибәхуҗадан  Зәринә Фәхретдинова (җыр), Илдус Гыйльметдинов һәм Фәридә Гыйльметдиновалар (җыр).

Аларның чыгышы “Наз” бию төркеме, Югары Кибәхуҗа урта мәктәбенең  яшьләр бию төркеме чыгышы белән чиратлаштырылып алып барылды.

Югары Кибәхуҗа мәдәният йортында узган концерт турында тулырак “Теләче” газетасының киләсе саныннан укый аласыз.