Sevimli serialingizni ko’rish paytida nimalardandir iste’mol qilgingiz keladimi? Pop-korn va chipslarning o’rniga mana bunday pishloqli qalamchalardan tayyorlab ko’ring. Oldindan ogohlantirib qo’yamiz, ular dasturxondan qanday tugab qolganini sezmay ham qolasiz.
Kerakli masalliqlar:
250 gramm tayyor qavatli xamir
50 gramm pishloq
0.5 bog' shivit (ta'bga ko'ra)
0.5 bog' petrushka (ta'bga ko'ra)
Tayyorlash usuli:
1. Birinchi navbatda pechni 210 darajada qizdirishga qo'ying. Xamirni xona haroratida yumshating.
2. Xamirdan 2 sm qalinlikdagi uzunchoq lentalar kesib chiqing. So'ng ularni pergament qog'oz to'shalgan patnisga tering.
3. Pishloqni qirg'ichning katta tishchasidan chiqarib, ko'katlarni qattiq qismini kesib tashlab, o'zini mayda to'g'rab oling.
4. Xamir ustidan pishloq va ko'katlarni sepib, 15 daqiqa davomida pishirib oling.
5. Belgilangan vaqt o'tib, mazali tayoqchalarni sovuting va dasturxonga torting.
⠀
Yoqimli ishtaha!