Дуккха хана денз безам бар са дунен маза чу еррига гIалгIай меттала хург а йолаш цхьа моттиг хилийта, цигара из цIена мотт (цу меттала бола хоам) дIа-хьа баржаргболаш. Цул совгIа чIоагIа ловр сона гIалгIай къамаца дувзаденна мел долчох лаьца наьна меттала бIарчча энциклопеди вIашагIдоллар. ТIаккха шерра аьлча, наьна мотт дегIабоалабар а цун хьал тоадар а керттерча уйлаца хоттаденна ма дий. ХIаьта уж массехк декхар чу а лоацаш, уж кхоачашдергдола проект я — ГIалгIай Википеди.
ГIалгIай Википеди (эрс: Ингушская Википедия) — официальни Википеден раздел я гIалгIай меттала. Хьайийлай 2018 шера Тушол бетта 18 дийнахьа, цу хана денз болх беш я укх цIайна тIа: inh.wikipedia.org. Цу мазаоагIона тIа болчул совгIа цун болх гойташ ба массехк моттиге: youtube · instagram · telegram · facebook. Иштта укхаза а болх дIабахьа хьожаргда тхо.
ГIалгIай Википеде мазаоагIона тIа шоана кораергья цун кIийлен тIа дIайолаяь йола тайп-тайпара зIамагIа йола вики-проекташ: «ГIалгIай мотт», «КъамаьлIоморг», «Дошлорг», «ГIалгIай ханорг», «ГIалгIайчен географи», иштта кхы а.
Нагахьа санна шоашта ер статья бIаргагой, гIалгIай мотт дегIабар а дIа-хьа боаржабар а шо дезаш дале, урагIа пIелг тоIабе, тхона геттара дика хетаргда, дIахо болх дIабахьа аттагIа а хургдар тхона. Везеи Воккхеи Волча АллахIа дукха боахаболба гIалгIай мотт! Цун дозали хозали довза а лораде а аьттув хилба вай! ЛоархIамца, МЕ.